Нина Левина
(Нина Левина олӧ Томск карын. Сыкӧд ми тӧдмасим уна во сайын ӧтуввез пыр, бура дыр гижасим да юксим унатор вылӧ видзӧдласнымӧн. А танi петкӧдлӧм дзоляник серпасалӧмтор меным сэтшӧма кажитчӧ, мый ёна кӧсйыссис вуджӧдны сiйӧс коми кыв вылӧ).

Авторлӧн висьт:
    • Ворона на обочине (миниатюра) *
        Ӧтуввезысь.

Роч кыв вылысь комиӧдiс (кыдз кужис) - Владимир Цивунин
--------------------------------------------------------------------------------------------


        Туйдор вылын рака

        Коркӧ бӧр локта карса уличтi вузасянiнсянь, пельпом вылын кушин абуӧдз тырӧма сёян-юан новлӧдлан сумка, а туйсӧ меным вуджӧдӧ рака. Дзик матын менам улич дорӧ асфальта моски вомын мунӧ лэбач, тыдалӧ, жугалӧм бордъя — веськыд борд со муӧд кыссьӧ. И сiйӧ тыдавмӧн лӧсьӧдчис нин Карса паркӧ, кодi буретш тайӧ туйвеж сайын — со танi.
        Сибӧдчалӧ тайӧ ракаыс туй бок дорӧ, юрӧн бергӧдлыштiс да повтӧг воськовтiс машинаӧн ветланiн вылӧ. Да дзик пыр жӧ шыбитчис бӧр: шуркнитiс легкӧвӧй машина, сэсся мӧд — тайӧ матысса светофор рӧмӧн бергӧдчис. Ракаыд нӧрӧвитыштiс машинаяслӧн ветлӧмсӧ да веськӧдiс туй шӧр дорӧ, но мӧмъялӧмла сувтiс веськыд визьын вылын, сы вӧсна мый шуйга визь кузя зэвтчӧмӧн мунiсны машинаяс. Сылы эськӧ туй шӧрӧдз воны да нӧрӧвитыштны, кытчӧдз светофор оз тупкы мӧд туй визьсӧ, но вежӧртӧм лэбачыд ӧд нинӧм оз тэд улича кузя ветлан индӧдъяс йылысь. Кокӧн педзигӧн сiйӧ косӧ бӧр, туйбок вылӧ, и ыджыд надеяӧн, голя нюжйӧдлӧмӧн, видзӧдӧ парклӧн тшӧкыд кустъяс да пуяс вылӧ.
        Сiйӧ сулалӧ дӧзмытӧг, корсюрӧ бергӧдчигӧн туй дорӧ мышкӧн, бергӧдлӧ юр, быттьӧ кодлыкӧ петкӧдлӧ — мӧдарладор сiйӧс дзик оз кыскы.
        Кадысь кадӧ лэбачыс нӧшта да нӧшта вӧчӧ видлӧмсӧ лэччыны бордюр вылысь машинаӧн ветланiн вылӧ да бара бӧр локтӧ кравзӧмӧн. Торйӧн нин сiйӧс повзьӧдлӧны пелькӧсь маршруткаяс да велосипедӧн ветлысьяс — на дорысь сiйӧ оз прӧста чеччышт туйбок вылӧ, а нӧшта на дзебсясьӧ туй дор кустлӧн пытшкӧ. Татшӧм час четверть дырйи мырсьӧм бӧрын (ме, пельпом кыскысь ноплӧн сьӧкта видзӧдтӧг, водзӧ нуӧда сы сайӧ синйӧмсӧ), рака сьӧлыштiс та вылӧ и, ватликтыштiг моски вомӧн, сайӧдчис матысса скверлӧн турунӧ — войсӧ виччысьны.
        А ме мунi гортӧ, ас кежсьыс шогсигӧн: ӧдвакӧ сылӧн мыйкӧ артмас — миянын ывлаас страсьт уна дӧзьӧртӧм пон, кань да... челядь.

(Вуджӧдӧм: 2020 во, кӧч тӧлыся 10-11 лунъяс)

--------------------------------------------------------------------------------------------------------------------
* Роч гижӧдсӧ позьӧ лыддьысьны танi: Нина Левина. "Ворона на обочине".
   Оригинал на русском языке можно прочитать здесь: Нина Левина. "Ворона на обочине".