Роч гижысь. Олiс 1884-1937 воясын.
Евгений Замятинлӧн портрет. Серпасалысь - Борис Кустодиев. 1923-ӧд во.
Авторлӧн висьт:
• Арапы
Евгений Замятин. «Избранное». Москва, издательство «Правда», 1989.
Роч кыв вылысь комиӧдiс (кыдз кужис) - Владимир Цивунин
--------------------------------------------------------------------------------------------
Арапъяс
Буян-дi вылын — ю кывтӧ. Таладорын — миян, гӧрдкучикаясным, а мӧдлапӧлын — налӧн, арапъяс, олӧны.
Талун асылӧн налысь арапӧс юын кыйсьым. Ок, и бур жӧ вӧлi, сэтшӧма бур: ставыс — чиг яя. Шыдсӧ пуим, небзьӧдӧм яйсӧ пражитiм — лукъя и, горчицаа и, тырвыйӧ соласьтӧм нежинскӧй ӧгуречӧн и... Вердчим: ыстiс господьӧй!
И сӧмын вӧлi ойбыртлыны водiм — лёкысь горзӧм, чарӧстӧм: миянысь ӧтиӧс — лёка ёрӧмаӧсь арапъяс пышйӧдiсны. Сэтчӧ-татчӧ, а найӧ сiйӧс кулисны нин да биа ӧгыр вылын шоддза яй пуӧны-пӧжалӧны.
Миян налы — ю вомӧн:
— Ак, морт сёйысьяс! Ак, арапъяс тi сэтшӧмӧсь! Тi нӧ мый тайӧ, а?
— А мый? — сёрнитӧны.
— Да тi вылынӧсь — мый, некутшӧм перна ӧмӧй абу? Миянлысь, гӧрдкучикаӧс, ермолитанныд. Абу жӧ и яндзим?
— А тi миянлысь ӧтиысь небзьӧдӧм яйсӧ эз мӧй вӧчны? Со тай — кодлӧн нӧ лыяс сэнi куйлӧны?
— Но мыйся жӧ тыртӧм юраяс! Ми ӧд бара тiянлысь арапӧс сёйим, а тi — миянлысь, гӧрдкучикасӧ. Тайӧ нӧ ӧмӧй позьӧ? Со, сет вай, тiянӧс мӧдар югыдын мутиясыд, ок, кыдзи пражитасны!
А найӧ, арапъяс, — еджыд яндысьтӧм бугыльяссӧ быльӧдiсны, сӧмын шпыннялӧны да лупитӧны-сёйӧны. Но мыйта жӧ яндысьтӧм йӧз: ӧти кывйыд и эм — арапъяс. И рӧдитчасны жӧ свет вылӧ этатшӧмъяс!
1920
-------------------------------------------------------------------------------------------------------
Роч гижӧдсӧ позьӧ лыддьысьны танi: Евгений Замятин. "Арапы".
Оригинал на русском языке можно прочитать здесь: Евгений Замятин. "Арапы".
______________________
Вуджӧдчысьлӧн бӧркыв
Тайӧ дженьыдысь дженьыд Евгений Замятинлысь висьтсӧ ме кӧсйи вуджӧдны коми вылӧ некымын во (ёна радейтiм сiйӧс менам пиӧйкӧд), но эг смелмӧдчи. Ӧд, серав кӧть бӧрд, а коми кывтӧ ачым зэв жӧ омӧля тӧда. Но мый вӧчны? Вояс мунӧны, мывкыд-вежӧр арлыдысь оз ӧд бурмышт. Мӧдарӧ, воысь воӧ юрыд уджалӧ век сьӧкыдджык. Сiдзкӧ, мыйӧн кужам, сiйӧн и кутам вӧдитчыны. А артмӧма кӧ танi уна ӧшыбкаяс да мукӧд нелючкиторъяс — мый сэсся? Гашкӧ, кодкӧ аддзас найӧс да индас тырмытӧмторъяс вылӧ, а ми водзтi ставсӧ-й веськӧдам. (Кӧть, збыльысь кӧ, зэв ыдъяся, мый кӧть кодкӧ кӧть ӧти кыв шуас. Сы вӧсна мый, кыдзи гижлалӧма медводдза коми поэтӧн, «Йӧз дiнын ме олi, Да кыдз тыртӧминын...»).
12.10.2022