Яра - өмет...

Күңелем минем - бер зур яра.
Сулкылдый һәм кабара
Саркыганы канмы, дисең?  
Саркый тик кайгы, кара...
Ул кара калбем сара,
Йөрәккәем, бичара,
Ярсый, дөнья куптара
Тик бер ни дә эшли алмый,
Көннән-көн чери бара...
Соңгы көчем җыеп, дәшәм:
Юкмы әллә һич чара?
Бер аваз һава яра,
Бере җавап кайтара:
"Әй, адәм, монда кара,
Мин - Өмет һәм мин - чара"
"Онытма мине, монда мин,
Онытма, берүк! Кара!.."
7 нче май, 2008 ел. Түбән Кама.