Холдор Вулкан: другие произведения.

Oydin qayinzor.Сборник стихов на узбекском языке.На латыни.

Журнал "Самиздат": [Регистрация] [Найти] [Рейтинги] [Обсуждения] [Новинки] [Обзоры] [Помощь] [Ridero]
Реклама:
Читай на КНИГОМАН

Читай и публикуй на Author.Today
 Ваша оценка:
  • Аннотация:
    (Ushbu sheʼriy kitob Oʻzbekiston Respublikasining birinchi Prezidenti Islom Abdugʻaniyevich Karimovning porloq hotirasiga bagʻishlanadi.)

  
  
  Xoldor Vulqon
  
  Oʻzbekiston Yozuvchilar uyushmasining aʼzosi
  
  
  
  Oydin qayinzor
  
  
  (Ushbu sheʼriy kitob Oʻzbekiston Respublikasining birinchi Prezidenti Islom Abdugʻaniyevich Karimovning porloq hotirasiga bagʻishlanadi.)
  
  
  
  
  Tasodifiy uchrashuv
  
  
  Shamol, seni tanidim, ishon,
  Bu sen, oʻsha dalada esgan.
  Gʻir -gʻir esib, ul otashfishon,
  Jazirama taftini kesgan.
  
  Hamqishloqlar omonmi, shamol,
  Sogʻindimi el meni rostdan?
  Yomon koʻrma, olmagin malol,
  Senga dardim aylasam doston.
  
  Shaldirarmi daryo kechuvi,
  Biz qoʻy, sigir haydab oʻtgan joy?
  Yaltirarmi daryoning suvi,
  Qoʻrgʻonlasa sukunatda oy?
  
  Choʻchqaxona haliyam bormi?
  Shovullarmi teraklar hamon?
  Yolgʻizoyoq soʻqmoq eltarmi,
  Odamlarni sohilga tamon?
  
  Balki bulutlarning tubida,
  Oy siynasi qolar ochilib.
  Shaffof sholipoya suvida,
  Ming -ming yulduz yotar sochilib...
  
  Kechir, yoʻldan qoʻydim nahorda,
  Gigant edim, uyga sigʻmadim.
  Ummon orti, ulkan shaharda,
  Shamol, seni tanib, yigʻladim.
  
  
  
  25 aprel, 2014 yil.
  Kunduz soat 5 dan 0 daqiqa oʻtdi.
  Kanada.
  
  
  Niyyat
  
  
  Zulmatda chirildoq chirillagan on,
  Toʻlin oy porlasa paykalga qarab.
  Yagʻir doʻpping kiyib, yelkangda ketmon,
  Dalalarda yursang yolgʻiz, suv tarab.
  
  
  Sokin uvotlarda boʻzraysa fonar,
  Oqshom yulduzlarni birma bir yoqsa.
  Ogʻzini lang ochib oydin dalalar,
  Oyning qoʻrgʻoniga agʻrayib boqsa.
  
  
  Suvlar jildirasa, pushtalar toʻlib,
  Koʻrshapalak uchsa shodon, ovozsiz.
  Oʻltirsang porlagan oyga termulib.
  Oddiy suvchi boʻlsang, boʻlsang savodsiz.
  
  
  Shiypon tamondagi soʻrida yotsang,
  Gʻir - gʻir esaversa tungi shabada.
  Uygʻonsang toʻrgʻaylar chuldirayotgan,
  Oʻz ona yurtingda, tongi dalada.
  
  
  
  7-avgust, 2010 yil.
  Tungi soat 1 dan 56 daqiqa oʻtdi.
  Toronto shahri, Kanada.
  
  
  
  
  Kuz yomgʻiri
  
  
  Oʻylanasan kuzgi kechada,
  Cheki bormi deya firoqning.
  Esi ogʻar boʻm -boʻsh koʻchada,
  Mayus oʻyga botgan chiroqning.
  
  Toʻlar sirli shivirga havo,
  Ruhing kabi musaffo, toza.
  Nahot sevgi ayladi qazo,
  Yomgʻir kimga ochmoqda aza?..
  
  Osmonlarga elagin tutar,
  Fonus gʻamgin nurin elaklab.
  Boʻm -boʻsh shahar uyquga ketar,
  Kuz yomgʻiri quyar chelaklab.
  
  
  
  27 may, 2014 yil.
  Tungi soat 10 dan 49 daqiqa oʻtdi.
  Kanada.
  
  
  
  Kuzgi qayin
  
  
  
  Xazonlarni uchirmoqqa shay,
  Kuzning oʻychan, latif shamoli.
  Avtoulov chumolixoʻrday,
  Ishga shoshgan avom -chumoli.
  
  Chirpiraydi yetim yaproqlar,
  Kuz keltirdi barglarga qiron.
  Xazon emas, tilla titroqlar,
  Qoʻrqitadi ularni boʻron.
  
  Oʻylamaydi bu haqda qayin,
  Kokillarin yoyib nasimga.
  Yoʻl boʻyida shovullab mayin,
  Qayta -qayta tushar rasmga.
  
  
  27 oktyabr,2014 yil.
  Erta bilan soat 9 dan 1 daqiqa oʻtdi.
  Brempton shahri, Kanada.
  
  
  
  
  Qorli kecha va yorugʻ niyyat
  
  
  
  Qorongʻu zulmatda qoʻnadi sokin,
  Qorlarning uchquni yelkamga yuzlab.
  Nahot -deyman - sovuq bulutlar hokim,
  Osmondan yulduzlar tushmoqda muzlab?
  
  
  Boʻronlarda mahzun musiqa borday,
  Bogʻlar qor qoʻynida yotganday uxlab.
  Sevaman - desayding, shivirlab qorday,
  Sovqotgan qoʻllaring isitsam kuxlab.
  
  
  Soyamiz tutashsa, uchqunlar tinmay,
  Toʻzgʻisa, chirpirab tushsa elanib.
  Uzoq suhbatlashsak, ketgimiz kelmay,
  Fonus yorugʻida qorga belanib.
  
  
  
  
  20 oktyabr, 2014 yil.
  Kech soat 5 dan 39 daqiqa oʻtdi.
  Kanada.
  
  
  
  Vatan xayoli
  
  
  
  Paxtazorlar ortida quyosh,
  Lovullaydi ufqlar etagi.
  Tuman choʻkar dalaga yuvosh,
  Osmon toʻla yulduz kepagi.
  
  Kimsasizlik, sukunat hokim,
  Yoʻlda kim ham yurardi sanqib.
  Dov -daraxtlar ortidan sokin,
  Parishon oy chiqqanda balqib.
  
  Birin ketin chirogʻin yoqar,
  Shuʼlaafshon darchali uylar.
  Daryoda suv yaltirab oqar,
  Yolgʻiz, yetim chirildoq kuylar.
  
  Boʻynin choʻzib maraydi buzoq,
  Poda xaydab oʻtadi kimdir.
  Qurillaydi baqalar uzoq,
  Somon yoʻli, yulduzlar jimdir.
  
  Goho itlar qoʻyadi xurib,
  Oy termular chavra, chetanga.
  Yolgʻizoyoq soʻqmoqdan yurib,
  Qaytgan kabi shoir Vatanga.
  
  
  
  14/06/2016.
  Kech soat 6:33.
  Kanada.
  
  
  
  Gʻozlar galasining boʻm -boʻsh chelagi
  
  
  Yogʻar kuz yomgʻiri maydalab, ezib,
  Yomgʻirda yuvilgan oynaday tuygʻu.
  Hiyobonda yolgʻiz yurarman kezib,
  Koʻlmaklar koʻzida ismsiz qaygʻu.
  
  Suv yuzida gʻamgin kumush xalqalar,
  Shivirlar qamishli sohillar labi.
  Bir yupun majnuntol yolgʻiz chayqalar,
  Unsiz yigʻlayotgan parizod kabi.
  
  Oxir tamom boʻldi yomgʻir koʻz yoshi,
  Tabiat yigʻidan toʻxtadi, tindi.
  Yomgʻirda yuvilgan sohillar toshi,
  Borliqqa musaffo halovat indi.
  
  Tortinchoq yalongʻoch bogʻlar bir yonda,
  Oynadek yaltirar bogʻlar yoʻlagi.
  Gʻiyt - gʻiyt etar kuzgi gʻamgin osmonda,
  Gʻozlar galasining boʻm - boʻsh chelagi.
  
  
  
  9 iyulь, 2011 yil.
  Tungi soat 2 dan 36 daqiqa oʻtdi.
  Toronto shahri, Kanada.
  
  
  
  Kuzgi oynalarning unsiz koʻz yoshi
  
  
  Yomgʻirlarda yaltiraydi tosh,
  Qarar oʻychan tabiat romdan.
  Yogʻayotgan yomgʻirmas, koʻz yosh,
  Koʻzlaringdan duvillab tomgan.
  
  Sen ketasan soyabon qoʻlda,
  Olislaysan misoli roʻyo.
  Daraxt aksi, koʻlmakli yoʻlda,
  Choʻkkan kabi koʻzguga goʻyo.
  
  Sensiz endi yurak qiynalar,
  Erib borar izlaringda qum.
  Sen ketasan, gʻamgin oynalar,
  Odam kabi yigʻlaydi yum - yum.
  
  
  
  31 iyul, 2011 yil.
  Kunduz soat 1 dan 29 minut oʻtdi.
  Toronto shahri, Kanada.
  
  
  
  Xazonlarga koʻmildi yoʻllar
  
  
  Lovullab yongancha kuzgi gulxanda,
  Guvillar xayoli parishon bogʻlar.
  Oʻychan kuz labida qaxrabo xanda,
  Telba girvatlarga termulgan chogʻlar.
  
  Bodi izgʻirinda yalongʻoch, yupun,
  Yalang novdalari qolsa ham qaqshab,
  Oppoq choyshab ichra uxlamoq uchun,
  Bogʻlar yechinarkan ayolga oʻxshab.
  
  Oydinda shabboda qanoti mayin,
  Mudrasa xazonga koʻmilgan tomlar,
  Koʻcha fonusiga tirab manglayin,
  Yigʻlasa moʻriday qoraygan shomlar.
  
  
  Olis oʻlkalardan kelganday qaytib,
  Darchangdan toʻlin oy moʻralagan payt,
  Adashgan yoʻlovchi singari daydib,
  Goho tushlaringa kiramanmi, ayt?
  
  
  
  
  13 avgust, 2011 yil.
  Kunduz soat 3 dan 23 minut oʻtdi.
  Toronto shahri, Kanada.
  
  
  Aprel
  
  
  Quyosh botib, gʻamboda, gʻarib,
  Ufqlarning gulxani soʻnar.
  Erigan qor suvin sipqorib,
  Shom qushlari bogʻlarga qoʻnar.
  
  Hilol koʻkda porlar parishon,
  Koʻrasan koʻz ilgʻamas joyni.
  Men sevaman, sevaman, ishon,
  Aprelь degan yolgʻonchi oyni.
  
  Billur qandil singari tomdan,
  Sumalaklar tushar uzilib.
  Chakillagan iliq oqshomda,
  El uyqusi ketar buzilib.
  
  
  1990 yil . Bahor . Andijon shahri .
  
  
  
  Doʻst
  (Oʻzbekning eng yoniq shoirlaridan biri, marhum doʻstim Ravshan Fayz xotirasiga )
  
  
  Gullar yerning tabassumlari ,
  " Qayda ? " - deya berma savollar .
  Saf chekar dov daraxt lashkari,
  Esar yovuz, vaxshiy shamollar .
  
  Boshlanarkan bulut bosqini,
  Sharros quyar shiddatli jala .
  Ariqlarda suvlar toshqini,
  Koʻrinmaydi yomgʻirda dala.
  
  Kuz keladi soʻngra sezdirmay,
  Sukunatda xazonlar raqsi.
  Botargoxda shom qushlarining,
  Murosasiz shovqini, baxsi.
  
  Xuvillatib borliqni soʻngra,
  Qushlar ketar inlarin tashlab.
  Qolmaganday yashashdan maʼno,
  Doʻst ketganday koʻzingni yoshlab.
  
  
  
  2003 yil , 27 noyabrь . Tungi soat
  9 dan 30 minut oʻtdi. Andijon .
  
  
  Shahar yomgʻiri
  
  Quloq tutdim yomgʻir sasiga,
  Havo giyox xidiga toʻldi.
  Bulutlarning uvadasiga,
  Chaqmoqdan oʻt ketmasa boʻldi.
  
  Shodliklarga toʻladi yurak,
  Yoʻlga boqar moʻltaygan chiroq.
  Qax -qax urib kular guldurak,
  Yomgʻir yum -yum yigʻlaydi biroq.
  
  U yashnatar vohayu choʻlni,
  Novdalarga billur tizildi.
  Bosib ketdi mashina yoʻlni,
  Yoʻl shoʻrlikning joni uzildi.
  
  Vaqirlaydi baqalar goʻyo,
  Oynalarda titrar itbaliq.
  Yomgʻir tinib, yorishar dunyo,
  Yaraqlar dil koʻzgusi tiniq.
  
  Boqib gullar tabassumiga,
  Jilmayar bogʻ oʻychan, sogʻ -omon.
  Osilgancha xayol dumiga,
  Uchib ketgim kelar sen tamon.
  
  
  
  19 iyunь, 2008 yil. Kech soat 8 dan 56 minut oʻtdi.
  Toronto shahri. Kanada.
  
  
  Singlim Anoraga
  
  
  Ruhim oydinlarda daydigan suvchi,
  Men seni eslayman, kunda, kun ora.
  Jilmayib, yigʻlovchi, yigʻlab, jilmayguvchi,
  Mening yuvoshgina singlim, Anora.
  
  Subhi sodiq mahal taqirlatsalar,
  Tomlar tunikasin yomgʻirlar choʻqib.
  Oʻltirarsan balki mehrobda sahar,
  Sokin sukunatda nomozing oʻqib.
  
  Koʻzingdan yomgʻirday tirqiramasin,
  Koʻz yoshing suyulgan olmosday oqib.
  Ovozsiz yigʻlasang, huvillab yotgan,
  Akangning kimsasiz uyiga boqib.
  
  Koʻz yoshing bebaho dur kabi asra,
  Tinsin kuzgi suvlar singari asab.
  Mayli xovlimizda zaʼfaron hasrat,
  Yursin yaproqlardan gerbariy yasab.
  
  
  
  6 avgust, 2010 yil.
  Kunduz soat 8 dan 4 daqiqa oʻtdi.
  Toronto shahri, Kanada.
  
  
  Yurt sogʻinchi
  
  
  Bir soat ichida dunyo qaridi,
  Yosh turib sochlaring oqardi yanvarь.
  Jilmayar tahayyul tumanlarida,
  Lablari atirgul, sochlari anbar.
  
  Bobur vatangado, Furqatlar daydi,
  Navoiy chet elda, qalqiydi ashkim.
  Kimlardir Vatanni sevaman deydi,
  Undaylarga mening keladi rashkim.
  
  Daraxtlar yugirar tepaliklarda,
  Oppoq uchqunlarni toʻzgʻitganda yel.
  Bahor keldi, muzni yorib chiq! - deya,
  Yana boychechakni aldaydi aprelь.
  
  Men endi mushtlashib qovoqxonada,
  Aroqqa choʻkmayman hasratga toʻlsam.
  Qaniydi Vatanda, qorli dalada,
  Gulxanga termulib jimgina oʻlsam.
  
  Daydi shoir oʻldi - deya odamlar,
  Koʻmishsa, ustimdan tortishsa tuproq.
  Xonanga qamalib, yolgʻiz u damlar,
  Sen oʻzing yigʻlaysan hammadan koʻproq.
  
  
  1 dekabrь, 2012 yil.
  Kunduz soat 2 dan 12 minut oʻtdi.
  Kembridj shahri, Kanada.
  
  
  Choʻlquvar
  
  
  Yoshligimda choʻlquvar edim,
  Quvar edim choʻllarni yomon.
  Choʻllar mendan qoʻrqib qochardi,
  Kulgim qistar eslasam hamon.
  
  Quvmay desam uyqu bermasdi,
  Quvarlikning muqaddas burchi,
  Boʻronda ham quvlayverardim,
  Koʻzda qumning qalampir-murchi.
  
  Bilsam, bekor quvgan ekanman.
  Daryolarda quridi suvlar.
  Qasos dunyo ekan bu dunyo,
  Bugun endi choʻl meni quvlar.
  
  
  1988 yil. Toshkent.
  
  
  Garchand soʻqir ishqning koʻzlari
  
  
  Oʻyga botgan yomgʻirli shahar,
  Elovrayman, ozgʻin soʻqirman.
  Koʻr yomgʻirga aylanib, sahar,
  Derazangni tinmay, choʻqirman.
  
  Koʻzim oppoq ochilgan paxta,
  Tergil uni jonim, etaklab.
  Savob boʻlar edi poytaxtda,
  Men soʻqirni yursang yetaklab.
  
  Tumanlarda tentirab, daydib,
  Dalalarda gulxan yoqarman.
  Balki bir kun vatanga qaytib,
  Dorvozangni topib, qoqarman.
  
  Paypaslayman shahlo koʻzlaring,
  Titrayotgan lablaringni ham.
  Yuzlarimga bosib yuzlaring,
  Shivirlaysan yomgʻirday, erkam.
  
  Qalblarga yoʻl topar roʻzi shab,
  Garchand soʻqir ishqning koʻzlari.
  Lablar yomgʻir kabi choʻlpillab,
  Bir -birini topar oʻzlari.
  
  Yomgʻir yigʻlar odamday asta,
  Koʻz yoshlarin hech kimsa artmas...
  Boshqa topqir aʼzolar haqda,
  Nazarimda, yozish ham shartmas.
  
  
  
  25/06/2016.
  Kunduz soat 11 dan 12 daqiqa oʻtdi.
  Kanada.
  
  
  Sevgi yodi
  
  
  Oydin dala singari joyshab,
  Sirtmogʻidan boʻshatilgan soch.
  Sukunatli yorugʻ tun -oy shab,
  Qular oppoq nafis qaldirgʻoch...
  
  Hushboʻy nafas, lablar yolqini,
  Harir parda ortida fonus.
  Qaro dengiz soching toʻlqini,
  Bir juft choʻqqi, oqargan konus.
  
  Oydek toʻlib, termularding sen,
  Ipak soching shuʼladay mayin.
  U shuʼla, u mayinlikni men,
  Unutolmoy oʻtmogʻim tayin.
  
  Balki hanuz kutarsan, esiz,
  Borolmayman endi u joyga.
  Qanday termulardik ikkimiz,
  Shuʼlalarin taratgan oyga.
  
  Gul bandiday boʻyninga sening,
  Chirmashmasin hijron pechagi.
  Qurib qolma, gʻarib sevgimning,
  Qor ostida qolgan chechagi.
  
  
  22 aprelь, 2014 yil.
  Kunduz soat 3 dan 55 daqiqa oʻtdi.
  Kanada.
  
  
  Bahor oqshomi
  
  
  Koʻz yoshday toʻkilar gilos gullari,
  Soʻnadi ufqlarda otashi soʻzon.
  Halovat toʻshalgan bogʻda tunlari,
  Nafis oy shuʼlasi, goʻzal gul toʻzon.
  
  Oppoq gul yogʻadi misoli roʻyo,
  Qaldirgʻoch uxlaydi tumshuqlari loy.
  Kul bilan yuvilgan idishday goʻyo,
  Sokin xovuzlarga choʻkib ketar oy.
  
  
  
  13 may, 2014 yil.
  Kunduz soat 10 dan 24 daqiqa oʻtdi.
  Kanada.
  
  
  Daryo
  (Odil Ikromga)
  
  
  Xisor togʻlarining etaklarida,
  Yovvoyi oʻt -oʻlan odamni koʻmar.
  Shudring yaraqlaydi chechaklarida,
  Va oydin sukunat oʻylarga choʻmar.
  
  Asqar bu daryoni sogʻindi qancha,
  Kimlar anglamadi, kimlar angladi.
  Yangi oy yaraqlab misoli langar,
  Shoir koʻz yoshiga choʻkib zangladi.
  
  Bogʻlar shovulladi sharsharamisol,
  Daryo baliqlarning unsiz koʻz yoshi.
  Pomir tizmalari, haybatli Xisor,
  Shoir mozorining yodgorlik toshi.
  
  Chor taraf togʻu tosh, chor taraf xarsang,
  U yonda Isfara, naryogʻi Vodil.
  Oydin sohillarni sogʻinib borsang,
  Tanirmikan seni shamollar, Odil?
  
  Nechun Kofarnihon daryoning nomi?
  Nechun u toshlarga bosh urib, qaqshar?
  Choʻkar dalalarning hasratli shomi,
  Chigirtkalar ohin tinglarmi Asqar?
  
  
  
  25 yanvar, 2014 yil.
  Kunduz soat 2 dan 3 daqiqa oʻtdi.
  Kanada.
  
  
   Usmon Azimga
  
  
  Soʻzsiz hayr derman endi extimol,
  Qurigan daraxtni doʻstimday quchib.
  Qanotim qayirma, ey telba shamol,
  Men endi janubga ketarman uchib.
  
  Qonim jilvasi bor tilla jomlarda,
  Netay qoliplarga, romga sigʻmadim -
  Deya koʻz yosh kabi iliq shomlarda,
  Bahorga qoʻshilib unsiz yigʻladim.
  
  Qumga botib ketdi boʻgʻzigacha tan,
  Koʻzim - suvga toʻlgan dengiz oʻzani.
  Suvsizlikdan labi qaqragan Vatan,
  Koʻzlarimga botir koʻzani...
  
  
  30 yanvar, 2013 yil.
  Kunduz soat 10 dan 51 minut oʻtdi.
  Kembridj shahri, Kanada.
  
  
  Podachi
  
  
  Daydib yurgan edim, bogʻlarda badar,
  Kuz sochib yubordi chumchuqlarini.
  Ular uchib ketdi shoshib, qaygadir,
  Shamollarda qayrab tumshuqlarini.
  
  Havo, xoʻmrayishdan mudom toʻyganman,
  Yovvoyi odamday qovogʻing uyma.
  Yoʻq, yoʻq, kerak emas, ichmay qoʻyganman,
  Yomgʻir, menga quyma.
  
  Men kuzgi yoʻllarda podachi kabi,
  Koʻzlarimni qoʻydek boqib, yashayman.
  Ishim juda ogʻir, charchab asabiy,
  Faqat yarim tunda ishdan boʻshayman.
  
  Kuz xazon raqsiga chorlaydi kimni?
  Guvillagan mahal yalongʻoch terak.
  Terak shoxidagi qoraygan inni,
  Qushlar eslab, goho sogʻinsa kerak.
  
  
  
  26 oktyabr, 2014 yil.
  Kunduz soat 4 dan 14 daqiqa oʻtdi.
  Kanada.
  
  
  Daydi
  
  
  Oqshom, koʻzim kovaklariga,
  Iztirobning qushi in qurar.
  Koʻz ilgʻamas zulmat qaʼrida,
  Yuk tashuvchi poyezd chinqirar.
  
  Yulduzlar jim yigʻlar chamasi,
  Daraxt hayron koʻkka alanglar.
  Suzar ulkan xayol kemasi,
  Oy langari sohilda zanglar.
  
  Sagʻir sevgim sigʻmagan Dunda,
  Sheʼrlar bitsa arziydi yuzlab -
  Deb daydidim ayozli tunda,
  Koʻz yoshlarim qolguncha muzlab.
  
  
  2008 yil, kuz.
  Toronto shahri, Kanada.
  
  
  Olis oqshomlar
  
  
  Shom qushlari sayraydi tolda,
  Balki eshik turar ochilib.
  Gʻamgin shuʼla toʻshalgan polda,
  Kitoblarim yotar sochilib.
  
  Kulbalarda chiroq yoqarlar,
  Paxtazor jim sukutga choʻmar.
  Yum - yum yigʻlab iskabtoparlar,
  Shom hasratin sohilga koʻmar.
  
  Yulgʻun oʻsgan jarlar uzra jim,
  Asta sekin koʻtarilar oy.
  Yorishadi mening lablarim,
  Lablaringa muhr bosgan joy.
  
  Idish yuvib ariq boʻyida,
  U damlarni eslasang gohi,
  Chigirtkaday gulzor qoʻynida,
  Chirillaydi sevgi arvoxi.
  
  
  
  9 aprelь, 2011 yil.
  Kunduz soat 3 dan 35 minut oʻtdi.
  Toronto shahri, Kanada.
  
  
  Kimsasiz yoʻllarda
  
  
  Suvga choʻkib ketdi bulutlar,
  Koʻrib kuzgi gullar ibosin.
  Qirgʻoqlarda teraklar, tutlar,
  Suv oqizar bogʻlar libosin.
  
  Gala gala qushlar narida,
  Shiddat bilan uchar qaygadir.
  Balki daryo sohillarida,
  Sholi pishib yotgan joygadir?
  
  Koʻprik uzra sohibjamol qiz,
  Termuladi suvga, ariqqa.
  Kezar maʼyus, oʻychan qari kuz,
  Sochlarini boʻyab sariqqa.
  
  
  26 avgust, 2010 yil.
  Kunduz soat 10 dan 58 daqiqa oʻtdi.
  Toronto shahri, Kanada.
  
  
  Zulmatlarda uchqunlaydi qor
  
  Bu xazon, koʻzlari ojiz oshiqning
  Qoʻlidagi oʻqilmagan xat.
  Kimsasizlik, sukunat balki,
  Soʻzsiz qoʻshigʻidir soqov hofizning.
  
  Men boʻlsam,
  Kuzgi dalalarda, tungi zulmatda
  Yolgʻiz uvlayotgan qora shamolman.
  
  Sen pastak deraza yonida,
  Qirovli gulzorda bulbulni kutib,
  Muzlab qolgan atirgulmisan?
  
  Chirpirab uchayotgan qor uchqunlarichi?
  Yorugʻ oynalarga talpinayotgan
  Son - sanoqsiz oppoq parvonalarmi?..
  
  Aytgil, nima uchun, kimni sogʻinib,
  Sochlari quvv oqardi qishning?
  
  
  
  20 avgust, 2012 yil.
  Kunduz soat 3 dan 20 minut oʻtdi.
  Toronto shahri, Kanada.
  
  
  Yurak
  
  
  Shovqinlardan charchab uxlaydi shahar,
  Chaqmoqlar uxlaydi, uxlar guldirak.
  Lekin sen taʼtilsiz har shomu sahar,
  Tinimsiz ishlaysan koʻksimda, yurak.
  
  Mana ellik yilki, doim birgamiz,
  Sen bilan tugʻildim, sen bilan oʻsdim.
  Bunday oʻylab koʻrsam mudom, to xanuz,
  Sen oʻzing ekansan ishonchli doʻstim.
  
  Seni koʻp azoblab, qiynadim, bu chin,
  Ey shoir yuragim, sen meni kechir!
  Soqiy boʻlib, sunib, sogʻligim uchun,
  Vujudimga qizil qonimdan ichir.
  
  Goho qasr boʻlding, gohida zindon,
  Seni yenglomadi, gʻariblik, gʻurbat.
  Ey, Xoldor Vulqonning olisda pinhon,
  Muhabbati dafn etilgan turbat!
  
  
  
  14 avgust, 2011 yil.
  Kunduz soat 2 dan 35 minut oʻtdi.
  Toronto shahri, Kanada. Ramozoni sharif.
  
  
  Sohillarni sogʻingan koʻngil
  
  
  Toʻrgʻay boʻlsam tongi dalada,
  Chugʻurlardim muallaq sayrab.
  Qarar eding quvnab yanada,
  Koʻzga kafting soyabon aylab.
  
  Tipratikon boʻlsam, butunlay,
  Men Vatandan ketmasdim badar.
  Oy yoritgan xovlingda tinmay,
  Chopar edim to tonga qadar.
  
  Muhabbatning rubobi sindi,
  Shamol boʻlib yigʻladi quvgʻin.
  Biz uchrashgan dalada endi,
  Gʻuvillaydi qop - qora yulgʻun.
  
  Dov daraxtni kech kuz qaritgan,
  Bogʻlarda bor hayo va sharm.
  Sohillarni gʻamgin yoritgan,
  Oy koʻnglimiz singari yarim.
  
  
  
  19 iyunь, 2011 yil, yakshanba.
  Kundaz soat 10 dan 57 minut oʻtdi.
  Toronto shahri, Kanada.
  
  
  Birinchi qor
  
  
  Oppoq qor qoplagach dalalar roxin,
  Angraygancha tildan qolibdi bogʻlar.
  Qor yuki egibdi daraxtlar shoxin,
  Qaxrli qagʻillar tumanda zogʻlar.
  
  Baqirmay sekinroq qagʻillasa ham,
  Eshitaman axir, emasman garang.
  Qorkoʻchki qoʻzgʻolar yoʻtalsa odam,
  Qor turar daraxtlar shoxida arang.
  
  Daraxtlar kiyingan, olifta, kibor,
  Oppoq qorpoʻstini tersmi yo oʻngi?
  Bu oppoq tahayyur, bu musaffo qor,
  Kimgadir birinchi, kimgadir soʻngi...
  
  Qor bosgan dalalar besado, besas,
  Hech kim halal bermas xayollar sursang.
  Yoʻlovchi jilmayib qoʻyar, ranjimas,
  Qulochkashlab turib, qor bilan ursang.
  
  
  
  9 yanvar, 2013 yil.
  Tungi soat 8 dan 17 daqiqa oʻtdi.
  Kembridj shahri, Kanada.
  
  
  Don Mills
  
  
  Quyoshni haybatli gulxanda yoqqan,
  Botargox qontalash jaroxat kabi.
  Suvlari yaltirab, lapanglab oqqan,
  Bir azim daryoning qaqraydi labi.
  
  Qiyillab uchguvchi qushlarning lekin,
  Shovqin - suroniga muxtoj emas ul.
  Bu daryo suvida oqadi sokin,
  Bulbul tushlariga kirgan atirgul.
  
  Kechuvlardan oʻtmas sigirlar morab,
  Toʻlqinlari tuya, tubsiz, oʻzansiz.
  Shunday daryolar ham boʻlarkan, yo Rab,
  Oydin toʻqaylarsiz, Tulki, Koʻzansiz.
  
  Boʻyniga eng ogʻir toshlarni bogʻlab,
  Gʻarq boʻlgisi kelar har kimning, axir.
  Gʻarq boʻlgan chogʻimda koʻksimni dogʻlab,
  Qurib qolma, Shopen deb atalgan nahr!
  
  Don Mills parklarida kezsam haynahoy,
  Minmayman shaytonning arobasini.
  Oʻrmonlar ortidan koʻtarilgan oy,
  Yoritar koʻnglimning xarobasini.
  
  
  
  25 iyunь, 2011 yil.
  Tungi soat 10 dan 40 minut oʻtdi.
  Toronto shahri, Kanada.
  
  
  Xirmonlarni yoritganda oy
  
  
  Kuz xazonrez bogʻlarni quchgan,
  Yetim kabi yolgʻiz oʻynar yel.
  Qoʻl silkitar janubga uchgan,
  Turnalarning karvoniga el.
  
  Shamollarda shovullab yotar,
  Maslaxat deb atalgan qishloq.
  Quyosh togʻlar ortiga botar,
  Shom shamollar shashtiga mushtoq.
  
  Sholi gʻaram ustida yotib,
  Tinglayversang, kimdir gapirsa.
  Kurak bilan shamolga otib,
  Oydinda el sholi shopirsa.
  
  Qurillasa mayus baqalar,
  Tulki yursa timirskalanib.
  Chopsa yolgʻiz daryo yoqalab,
  Iskabtoparlarga talanib.
  
  Kuyganyordan chinqirib oʻtsa,
  Temir yoʻlning poʻlat samani.
  Sohillarda charaqlab yotsa,
  Chiroqlarning olmos chamani.
  
  
  
  26 oktyabr, 2014 yil.
  Kunduz soat 10 dan 9 daqiqa oʻtdi.
  Kanada.
  
  
  Omonat yaproqlar
  
  
  Goho ortda qoldim, gohida oʻzib,
  Goʻyo bu yoʻllarning yoʻqday adogʻi.
  Gulzorlardan nafis boʻynini choʻzib,
  Menga talpinardi gullar dudogʻi.
  
  Bugun bujmayibdi, quribdi gullar,
  Goʻyo chamanlarga tekkanday qargʻish.
  Daraxtlar mungʻaygan qadrsiz qullar,
  Shoxlari yalongʻoch, barglari sargʻish.
  
  Chinor yozgan ekan farroshga xatni,
  Chetlariga bitib xasratli xokku.
  Farrosh u maktubni gulxanga otdi,
  Endi oh chekmaydi olisda kakku.
  
  Daraxt qir uchida omonat zogʻlar,
  Sukunatga toʻlar osmon qozoni.
  Sekinroq yuraman men bunday chogʻlar,
  Toʻkilmasin deya bogʻlar xazoni.
  
  
  
  15 oktyabr, 2014 yil.
  Kech soat 7 dan 57 daqiqa oʻtdi.
  Kanada.
  
  
  Kuzgi shamollarda xazonlar raqsi
  
  (Abulqosim Mamarasulovga)
  
  
  Qayin binoyidek raqqosa ekan,
  Yaproqlari sariq, qirmizi, pushti.
  Shamolda tebranib charchamasmikan,
  Kechgacha toʻxtamay raqsga tushdi.
  
  Oʻynab qoʻyar ekan tushmagur chinor,
  Ishva muqom qilib, aslo tolmadi.
  Har yonga sochildi tilloyu dinor,
  Shoxida bitta ham bargi qolmadi.
  
  Balki hozir avom kuzatadi jim,
  Turnalarning kulrang galalarini.
  Oppoq qor qoplaydi hademay, doʻstim,
  Oʻzbekning qadimiy dalalarini.
  
  Quyuq tuman aro suzganda bogʻlar,
  Kimsasiz yoʻllarni qor qoplagan payt,
  Dalalar uyquga shaylangan chogʻlar,
  Sizlarni bir shoir sogʻindi -deb ayt.
  
  
  
  18 oktyabr, 2014 yil.
  Kechki 5 dan 15 daqiqa oʻtdi.
  Kanada.
  
  
  Oydin kecha
  
  Soch soqoli oppoq rassom,
  Qorli fasl shomida.
  Chizganlaring, ey Pikassom,
  Oynalarning romida.
  
  Olislarda porlayotgan,
  Chiroqlarga boqaman.
  Sogʻinch boʻlib chorlayotgan,
  Shuʼlalarda oqaman.
  
  Hademay qir, yoʻl narida,
  Boychechak suv yoqalar.
  Xasrat toʻla shom qaʼrida,
  Qurillaydi baqalar.
  
  
  
  29 oktyabr, 2014 yil.
  Kunduz soat 4 dan 20 daqiqa oʻtdi.
  Brempton shahri, Kanada.
  
  
  Tovush
  
  
  Yomgʻir yogʻar tungi yoʻllarni yuvib,
  Yogʻdu yogʻayotgan yomgʻirning yogʻi.
  Shamol qanotlari shalobbo ivib,
  Ucholmay qaydadir yotibdi chogʻi.
  
  Boraman, tumanli shomlarda kutgil,
  Qorayganda kunning oppoq boʻzlari.
  Yoʻllarimga boqib, mungraysa butkul,
  Pastak derazangning xorgʻin koʻzlari.
  
  Fonus yorugʻida yomgʻirli yoʻlak,
  Koʻlmaklar jimirlab oʻylarga botar.
  Sen ham yomgʻirlarga termulsang kerak,
  Xiyobon ruhimday xuvillab yotar.
  
  Kimsasiz yoʻllardan odimlayman jim,
  Sukunat tumanga singigan oni.
  Eshitdim jimlikda, aniq eshitdim,
  Chirt etib yaproqning uzildi joni.
  
  
  
  28 oktyabr, 2014 yil.
  Tungi soat 9 dan 33 daqiqa oʻtdi.
  Brempton shahri, Kanada.
  
  
  Gul hayosi
  
  
  Tentirab, bekorchi, bezori shamol,
  Xazonga toʻldirdi gulzor qoʻynini.
  Koʻrib rahmim keldi nafis, bemajol,
  Kuzgi atirgulning nozik boʻynini.
  
  Gul boshini egib, tikoni botgan,
  Chetanli chavraga turar suyanib.
  Kiyimlarin yechib, gulxanga otgan,
  Telba daraxtlardan uyalib.
  
  
  
  28 oktyabr, 2014 yil.
  Kunduz soat 3 dan 21 daqiqa oʻtdi.
  Brempton shahri, Kanada.
  
  
  Qor
  
  
  Yaproqsiz daraxtdan gurros yuksalib,
  Qushlar ushoq koʻrsa, xovliga shoʻngʻir.
  Simlar gʻijjagini shamollar chalib,
  Qor bosgan oʻt -oʻlan sovuqda toʻngʻir.
  
  Dexqon izlarini yopadi qorlar,
  Kuz ketar shoshilib, ishlari chala.
  Butazor shamolda gʻuvillab, chorlar,
  Qorli tundraga oʻxshaydi dala.
  
  Bulut uxlar edi daraxt uchida,
  Yostigʻini shamol yirtdimi, netdi?
  Yostiqdan sochilgan parqu ichida,
  Dov -daraxt, dalalar koʻrinmay ketdi.
  
  
  
  28 oktyabr, 2014 yil.
  Kunduz soat 2 dan 12 daqiqa oʻtdi.
  Brempton shahri, Kanada.
  
  
  Osuda jimlik
  
  
  Kuz kelibdi bildirmay, asta,
  Xazonlarni avaylab, ezmay.
  Qushlar galasining bir pasda,
  Ketganini qolibmiz sezmay.
  
  Miq etmaydi, xayolga botgan,
  Menga maʼlum uning kimligi.
  Daraxtzorda berkinib yotgan,
  Bu osuda kuzning jimligi.
  
  Yaxshiyamki hech kim yoʻq ekan,
  Borganimda daraxt kesgani.
  Shoshilishda ketaveribman,
  Pufaykamni kiyib teskari.
  
  
  
  26 oktyabr, 2014 yil.
  Tungi soat 1 dan 50 daqiqa oʻtdi.
  Kanada.
  
  
  Gʻaflat
  
  
  Kuz hushboʻy bexilar xidiga toʻla,
  Uzumu anorlar ilingan ombor.
  Xazonlar raqsiga termulib, soʻra:
  -Oʻylarga botgan bu jimlikda kim bor?!
  
  
  Bogʻda ivirsigan bu shamol bangi,
  Kuppa kunduz kuni, qaranglar, netdi.
  Kuzning xazonlardan toʻqilgan yangi,
  Choʻgʻdek gilamini oʻgʻirlab ketdi!
  
  
  
  27 oktyabr, 2014 yil.
  Tungi soat 11 dan 5 daqiqa oʻtdi.
  Brempton shahri, Kanada.
  
  
  
  Landavur daraxt
  
  
  Daraxt shoxlarini silkitgan edi,
  Qaxrabo barglari toʻkildi yerga.
  Farroshning soʻkinib aytganin endi,
  Ayb boʻlar deyman, kiritsak sheʼrga?
  
  Farrosh qoʻllarini kuxlab, isinib,
  Xazonlarni toʻplab, olovda yoqdi.
  Soʻng oʻychan tutatib tamakisini,
  Chekkancha xoʻmrayib gulxanga boqdi.
  
   Qir! qir! -deyaverib qirilib ketdi,
  Turnalarning uzun nayday tomogʻi.
  Kuz yigʻlab ularga qoʻlin silkitdi,
  Koʻylagida yuzlab xazon yamogʻi.
  
  
  
  27 oktyabr, 2014 yil.
  Kech soat 7 dan 44 daqiqa oʻtdi.
  Brempton shahri, Kanada.
  
  
  Kuzgi oʻrmonlarda osuda jimlik
  
  
  Qanday yashnar edi dala tuz,
  Shovqin solib yoqqan jalada.
  Endi kezar bu joylarda kuz,
  Sholgʻom kovlar dexqon dalada.
  
  Qush galasi deya oʻylabman,
  Uchib oʻtsa gʻarib xazonlar.
  Men ularga qarab toʻymabman,
  Chirpiratsa telba toʻzonlar.
  
  Darchalarga bosganicha yuz,
  Yaproqlarin toʻkar qayinlar.
  Yana qaytib kelinglar deb kuz,
  Turnalarga qattiq tayinlar.
  
  
  
  27 oktyabr, 2014 yil.
  Kunduz soat 12 dan 22 daqiqa oʻtdi.
  Brempton shahri, Kanada.
  
  
  Qor quvonchi
  
  
  Guppa guppa yogʻaverdi qor,
  Tomlar oppoq, oqardi yerlar.
  Oq varaqday koʻchayu devor,
  Qorga yozging keladi sheʼrlar.
  
  Qorboʻronda turtinib, toyib,
  Yoʻlda odam tanimas doʻstin.
  Qorboboday bogʻlar bukchayib,
  Kiyib olgan qalin qorpoʻstin.
  
  Gʻuvillaydi qorli dalada,
  Choʻkirtaklar boʻgʻzigacha qor.
  Darchadagi chiroq panadan,
  Qorli yoʻlga boqar intizor.
  
  Gʻijirlaydi qordagi qadam,
  Qor ostida qolibdi yoʻlak.
  Qorga qarab toʻymaydi odam,
  Hamma xursand, farroshdan boʻlak.
  
  
  
  25 oktyabr, 2014 yil.
  Tungi soat 11 dan 54 daqiqa oʻtdi.
  Kanada.
  
  
  Oʻrmonlarga tutashdi yoʻlim
  
  
  Guvillaydi donishmand terak,
  U Makkaga bormagan xoji.
  Unga amal, mansab ne kerak,
  Xazonlardan tillarang toji.
  
  Yoʻl chetida raqsga tushar,
  Nozikkina navnihol qayin.
  Yaproqlari chirpirab uchar,
  Shamollarda chayqalgan sayin.
  
  Kasod boʻldi qushlar bozori,
  Sarmoyasi talandi, sindi.
  Girvatlarga sovrildi bori,
  Kuz inqiroz otiga mindi.
  
  Tumanlarda xayolga tolgan,
  Oʻrmonlarga tutashdi yoʻlim.
  Boʻronlarda yaproqsiz qolgan,
  Novdalarga oʻxshaydi qoʻlim.
  
  
  
  
  25 oktyabr, 2014 yil.
  Kunduz soat 3 dan 54 daqiqa oʻtdi.
  Kanada.
  
  
  Choʻtal
  
  
  Qoʻllarida "qirol", "dama", "tuz",
  Dov -daraxtlar oʻynaydi qarta.
  Qimor oʻynab, toʻymaydi bu kuz,
  Yutqazsa ham bir necha marta.
  
  Sargʻaytirdi daraxtni hasrat,
  Ishonmaydi aytsang birovga,
  Barglarini avaylab, asrab,
  Bogʻlar tikdi dovga, garovga.
  
  Shamol tinmay chiylaydi qarta,
  Kerak emas ishora -yoʻtal.
  Farrosh kelar kunda bir marta,
  Olmoq uchun bogʻlardan choʻtal.
  
  
  
  25 oktyabr,2014 yil.
  Kunduz soat 3 dan 10 daqiqa oʻtdi.
  Kanada.
  
  
  Xovuz
  
  
  Oydin osmon gʻazna singari ochiq,
  Oy oydin xovuzga otilgan chaqa.
  Xovuzda koʻzagul gʻunchasi yopiq,
  Oʻltirar zangori yaproqda baqa.
  
  Yulduzlar baqadan qoʻrqadi yomon,
  Olov sovuq suvdan qoʻrqqanday xuddi.
  Tilini uzatib osmonlar tamon,
  Baqa bir yulduzni shilt etib yutdi.
  
  Soʻng yana birini, keyin boshqasin,
  Yutaverdi olmos chivinday tutib.
  Toʻlin oy berkindi chiqarmay sasin,
  Qoʻrqib, nafasini ichiga yutib.
  
  Chirildoq nega jim, qayoqqa qochdi?
  Dong qotib uxlaydi uyquchi kunduz.
  Xovuzda koʻzagul gʻunchasin ochdi.
  Osmonda bitta ham qolmadi yulduz.
  
  
  
  12 mart, 2014 yil.
  Kunduz soat 2 dan 25 daqiqa oʻtdi.
  Kanada.
  
  
  Xazon kabob
  
  
  Bogʻlar kuzgi gulxanda yonar,
  Oʻt ketmasa boʻldi xashakka.
  Daraxtlarning oyogʻi tolar,
  Yotolmaydi tillo toʻshakka.
  
  Quyuqlashgan tongi tumanda,
  Kimdir kezib yurar, yoʻtalar.
  Va tumanli dala tamonda,
  Gʻuvillaydi kuzgi butalar.
  
  Havo biroz qovogʻin uygan,
  Lek jaranglar kuzning rubobi.
  Gulxan aro bujmayib, kuygan,
  Six novdada xazon kabobi.
  
  
  
  21 oktyabr, 2014 yil.
  Erta bilar soat 9 dan 8 daqiqa oʻtdi.
  Kanada.
  
  
  Guvillaydi ruhim boʻroni
  
  
  Kuzgi osmon, mezonlar uchar,
  Guvillaydi ruhim boʻroni.
  Kulrang kuzgi osmonni quchar,
  Turnalarning shovqin suroni.
  
  Yellar ohi aylandi nayga,
  Tuman goʻyo muallaq tushday.
  Sukunatda chirpirab qayga,
  Uchayotir xazonlar qushday?
  
  
  
  23 oktyabr, 2014 yil.
  Tungi soat 3 dan 31 daqiqa oʻtdi.
  Kanada.
  
  
  
  Shashmaqom
  
  
  
  Toʻzgʻitganing yetmasmi qasddan,
  Qoʻy, quvlama yaproqni, shamol.
  Sen ham hadeb izgʻiyvermasdan,
  Bir zum toʻxta, madaniy dam ol.
  
  Yosh emassan, umring ham yarim,
  Qilgan savob ishlaring sana.
  Toʻkib kuzgi daraxt barglarin,
  Farroshga ish oshirma yana.
  
  Turnalarning buyuk karvoni,
  Uchib ketdi janubga tomon.
  Ular elning ezgu armoni,
  Yetib olsin manzilga omon.
  
  Yaproqlardan yamoq toʻnida,
  Bogʻlar kiydi xazondan shippak.
  Gʻozning eski patifonida,
  Gʻiytillaydi qiyshaygan lappak.
  
  
  
  22 oktyabr, 2014 yil.
  Kunduz soat 3 dan 17 daqiqa oʻtdi.
  Kanada.
  
  
  Kuzgi gulxan
  
  
  Guvillaydi xazonrez shamol,
  Namxush koʻcha yotar yaltirab.
  Boʻm -boʻsh yoʻlda barglar extimol,
  Yuguradi misoli krab.
  
  Oʻt -oʻlanning mujgonida nam,
  Sharsharadek shamol shovullar.
  Hech kim senga oʻt qoʻymasa ham,
  Daraxt, barging yonar, lovullar.
  
  Raqs tushsang, toʻzgʻiydi tuproq,
  Qizil chervon yogʻar poyinga.
  Yaxshiyamki yopishdi yaproq,
  Yozib boʻlmaydigan joyinga.
  
  Koʻkka boqding misli munajjim,
  Sayoz, telba qoʻshiqlar aytib.
  Maktublaring yoqib yubordim,
  Daraxt, menga xat yozma qaytib.
  
  
  
  22 oktyabr, 2014 yil.
  Kunduz soat 2 dan 24 daqiqa oʻtdi.
  Kanada.
  
  
  Nay
  (Buyuk naychi sozanda va yaxshi inson Abdulahad Abdurashidovga)
  
  
  Daryolarning labida hamon,
  Nola qilar sohil naylari.
  Chalar begʻam sozanda shamol,
  Boʻrtib boʻyin, tomir paylari.
  
  Shovullaydi, oh chekadi nay,
  Shamollarga toʻlganda qoʻyni.
  Xorazmlik raqqosalarday,
  Boshda jigʻa, ingichka boʻyni.
  
  Tinglayversang yomgʻirda ivib,
  Shovullasa qamishlar ohi.
  Sohillarda yomgʻirpoʻsh kiyib,
  Qarmoq tashlab oʻltirsang gohi.
  
  Yolgʻiz oʻzing xayolga botsang,
  Uyga ketmay xaftalab, oylab.
  Tunlar qamish chaylada yotsang,
  Oyning balqib chiqishin poylab.
  
  
  
  22 oktyabr, 2014 yil.
  Kunduz soat 11 dan 34 daqiqa oʻtdi.
  Kanada.
  
  
  Qorboʻronda qolgan yoʻlovchi
  
  
  Tashqarida qorboʻron kezar,
  Qorzarralar toʻzoni quyuq.
  Oynalarga etyudlar chizar,
  Daydi rassom, yovvoyi buyuq.
  
  Ulovlar ham charchadi, tindi,
  Oppoq qorga belandi shahar.
  Koʻmib tashlar borliqni endi,
  Qor tinmasa to tonga qadar.
  
  Choʻzilgancha oʻrnimga shu dam,
  Qordek oppoq oʻylarga botdim.
  Yo uy yorugʻ qor shuʼlasidan,
  Yo chiroqni oʻchirmay yotdim.
  
  
  
  24 oktyabr, 2014.
  Kunduz soat 10 dan 53 daqiqa oʻtdi.
  Kanada.
  
  
  Robinzon
  
  
  Makonim shu, kimsasiz orol,
  Kemalarning yoʻliga boqdim.
  Odimladim misoli qirol,
  Qirgʻoqlarda gulxanlar yoqdim.
  
  Ummonlarga termuldi koʻzim,
  HAQ, menga ham muruvvat ayla!
  Sohillarda yolgʻiz bir oʻzim,
  Qurdim quroq qamishdan chayla.
  
  Sohilda suv yigʻlar chamasi,
  Ummonlarni keladi kechgim.
  Uchar rangli toʻti galasi,
  Hayqiraman, eshitmas hech kim.
  
  Yulduzli tun bayroqmi qaro?
  Oy ham undan ketmaydi nari.
  Uxlar havo ummoni aro,
  Kosmosdagi orol - Yer shari.
  
  
  
  19 iyunь,
  2010 yil. Kunduz soat 2 dan 44 daqiqa oʻtdi.
  Toronto shahri kanada.
  
  
  Quyuqlashar kuzgi dalada tuman
  
  
  Bir yupun mavjudod yenglari uzun,
  Dala adogʻida oʻylarga botar.
  Soyasi aks etgan koʻlmaklar yuzin,
  Yomgʻirlar ayovsiz chimchilab oʻtar.
  
  Shoirlarga oʻxshab xayolga choʻmgan,
  Yaydoq kengliklardan izlar tepani.
  Yolgʻizlik va jimlik yoqadi unga,
  Yoqadi sukunat, qorlar kafani.
  
  Dalalarga kuzgi tumanlar tushsa,
  Paxtalik shim kiyib, lattaxoch taqar.
  Musofir qushlarning galasi uchsa,
  Ularga uzoqdan mungʻayib boqar.
  
  Qish edi, qorlarga turtinib, bordim,
  Havoga oʻrladi qargʻalar yuzlab.
  Koʻrdim qoʻriqchini, uzoqdan koʻrdim,
  Ayozli dalada qolibdi muzlab.
  
  
  
  26 iyulь, 2012 yil.
  Tongi soat 7dan 55 minut oʻtdi.
  Toronto shahri, Kanada.
  
  
  Yoʻlchivin
  (Boʻshliq manzarasi)
  
  
  Muqaddas xandaklar ustida minglab,
  Chevar oʻrgimchaklar toʻqiydi kashta.
  Aqldan ozasan jimlikni tinglab,
  Ne bor u davrada, boʻshliqda, dashtda?
  
  Yirtigʻi hayxotdek roʻmolcha bilan,
  Yigʻlab bormoqdasan, doʻstim qayonlar?
  Xofiz qumlar choʻlda aytadi oʻlan,
  Gajakdum, mehribon, mushfiq chayonlar.
  
  Choʻchqa oxurida uxlama, yetar,
  Yovlar koʻrinsa ham koʻzinga doʻstdak.
  Xademay yomgʻirlar qiyshayib ketar,
  Qovjirar maysazor - lojuvard poʻstak.
  
  Endi kapalakqor yogʻar begumon,
  Kimgadir birinchi, kimgadir soʻngi.
  Quyuqlashar sovuq zulmatli tuman,
  Shamolda xurpayar zaminning yungi.
  
  
  
  26 avgust, 2010 yil.
  Tungi soat 10 dan 13 daqiqa ?tdi.
  Toronto shahri, Kanada.
  
  
  Telbalar shaharchasini sogʻinib
  
  
  Jussalari machta, kiyimi yelkan,
  Sevgidan telbarib qolgan avomat.
  Qattiq nonni suvga ivitib yerkan,
  Borxesning kitobin aylar qiroat.
  
  Ozgʻin qoʻllarida portfelь shishar,
  Namlikni oʻtkazar poyabzal charmi.
  Zarb bilan yopsalar, uzilib tushar,
  Eshikka qisilgan sharfning yarmi.
  
  Qanday yogʻardiya xazonlar parkda,
  Telbalarni kuzgi tumanlar yutar.
  Yarqiratib temir yoʻllarni arta,
  Gʻijirlab, qip qizil tramvay oʻtar.
  
  Yomgʻirda yuvilgan oyna yoʻlakka,
  Yorliqday yopishib qolar edi barg.
  Qor yogʻsa telbalar ketar pinakka,
  Qutb ayigʻiday uxlar edi park.
  
  "Kitob" nomli ogʻir dardga chalingan,
  Turnalar karvoni janubga uchdi.
  Non oʻrniga kitob sotib olingan,
  Telbalik yillarim yodimga tushdi.
  
  
  
  21 oktoʻbr, 2014 inji yil.
  Kunduz soat 1 dan 3 daqiqa oʻtdi.
  Kanada.
  
  
  Dadamni sogʻinib
  
  
  Oʻltirgandik porloq oyga termulib,
  Daryo tamonlarda yulduz chamani.
  Uzoqlardan oʻtdi poyezd chinqirib,
  Olis temir yoʻlning uchqur samani.
  
  Xovur chiqib turgan otning goʻngini,
  Toʻpladik otlarni xurkitmay, qashib.
  Keyin parnik oʻra soʻlu oʻngini,
  Goʻng bilan toʻldirdik yelkada tashib.
  
  Suvqogʻoz parnikmas, oʻtov deng qadim,
  Tunlar ichkarida porlardi chiroq.
  Men pechka yoquvchi goʻlaxi edim,
  Koʻmir bor, gaz degan yoʻq edi biroq.
  
  Uzoqda xorigan traktor "Altay",
  Zulmatlar qaʼrida ingrar muttasil.
  Kech kuzgi tumanda yurgan odamday,
  Yoʻlini yoʻqotib, turtingan fasl.
  
  Ibodat qilardi dadam uyda jim,
  Balki farz nomozi, balki vitiri.
  Men esa parnikda kitob oʻqirdim,
  Suvqogʻoz tom uzra qorlar shitiri.
  
  
  
  15 oktyabr, 2014 yil.
  Tungi soat 9 dan 58 daqiqa oʻtdi.
  Kanada.
  
  
  Yolgʻizlik istab
  
  
  Quchoq -quchoq oppoq, parqu bulutlar,
  Oʻrikning gullarga burkangan shoxi.
  Bogʻlarda sayragan jiblajibonlar,
  Qishloqning dalaga tutashgan roxi.
  
  Men oʻsib, ulgʻaygan uyning ayvoni,
  Devorlar qoʻsh oʻrkach kulrang tuyalar.
  Loypaxsa tom uzra bulut karvoni,
  Qizgʻaldoqlar boshin egib, uyalar.
  
  Kechuvlarda sigir xaydagan bola,
  Yelkamda qarmogʻu qoʻlimda chelak,
  Toʻrgʻaylar sayragan oʻtlogʻu dala,
  Umrbod yodimdan chiqmasa kerak.
  
  
  
  19/09/2014.
  Kunduz soat 11 dan 54 daqiqa oʻtdi.
  Kanada.
  
  
  Yoz
  
  Sevgiga yem boʻlar umrlar yarmi,
  Muhabbat koʻrsatar gullarga kuchin.
  Oʻldiradi u romashkalarni,
  Haqiqatni aytgani uchun.
  
  Kim qutqarar endi romashkalarni?
  Chopmoqqa ularning yoʻqdir oyogʻi,
  E voh, oshiqlardan koʻra alarni,
  Yanchsa yaxshi edi xayvon tuyogʻi.
  
  Esmoqda telbatob shamollar qirdan,
  Uchar oʻtloq uzra savdoyi gala.
  Yum yum yigʻlayotgan romashkalardan,
  Chayqalar kimsasiz yovvoyi dala.
  
  
  Sevadi, sevmaydi, sevadi, sevmaydi, sev...
  
  
  
  6 iyun, 2014 yil.
  Erta tong.
  Kanada.
  
  
  Yaxshi niyyat
  
  
  Bir kun men ham poʻk etib oʻlsam,
  Urmay qoʻysa koʻksimda yurak,
  U dunyoga ravona boʻlsam,
  "Doʻstlar" rosa sevinsa kerak.
  
  Oʻgʻillarim baqrayib qolgan,
  Koʻzlarimni sekin yoparlar.
  Keyin qoʻlda belkurak, olgʻa,
  Qabristonga qarab choparlar.
  
  Soʻngra tushar suvlar yuziga ajin,
  Balki oy ham yigʻlar, daryoga choʻkib,
  Shiqirlatib sohil toshlarin hazin,
  Yigʻlar Qoradaryo, koʻz yoshga boʻkib.
  
  Razil yogʻiy gʻanim niyyati chirkin,
  Yurganda bir birin miltigʻin oʻqlab,
  Oqibatli doʻstdek saf tortib bir kun,
  Chumolilar meni keladi yoʻqlab.
  
  
  
  20 may, 2014 yil.
  Tungi soat 10 dan 16 daqiqa oʻtdi.
  Kanada.
  
  
  Tungi daryo
  
  
  Hademay oydinda gulzor oralab,
  Sabolar esadi sochingday mayin.
  Darchadan sen yotgan uyga moʻralab,
  Mayus shovullaydi shamolda qayin.
  
  Xovuzlarda oyning tovogʻi sindi,
  Senga uxlash qiyin, jonim tunlari.
  Laʼlin lablaringda ochilar endi,
  Tabassumning gʻamgin gullari.
  
  Ostonangda osmon zinapoyasi,
  Soching daryo kabi yotar yoyilib.
  Yoʻlakka yiqilar qayin soyasi,
  Oyning shuʼlasiga toyilib...
  
  
  
  7 dekabr, 2011 yil.
  Kunduz soat 10 dan 20 daqiqa oʻtdi.
  Toronto shahri, Kanada.
  
  
  
  Shom xasrati
  
  (Eshqobil Shukurga)
  
  
  Qumqoʻrgʻon tamonda bolalik chorlar,
  Podalar qaytadi, sigirlar morab.
  Kuylovchi quyunday iskabtoparlar,
  Shom ham shunday goʻzal boʻlarmi, yo Rab?!
  
  Boymoqli yoʻllari kimsasiz jimdir,
  Salqin havolarda mahzun bir sovish.
  Uzoq -uzoqlarda tol kesar kimdir,
  Boltadan kechikib yangraydi tovush.
  
  Qushlar shovqinidan botargoh ohi,
  Faryodi Xudoning arshiga yetar.
  Chirildoq, gulzorlar ichida gohi,
  Bir nafas toʻxtasang, tin olsang netar?
  
  Bepoyon idishday limillar toʻlib,
  Toʻfonlar oʻkirgan ummonday dilim.
  Qulogʻim qum toʻla chigʻanoq boʻlib,
  Ogʻzimni qonatar qilichday tilim.
  
  Bagʻri tosh edimku, yigʻlayman nechun,
  Oydinda oʻzimni arvoxday sezib.
  Yuragim loyxushtak, suyagim kukun,
  Koʻz yosh xalqalanar buloqday sizib.
  
  Egri xanjar kabi qayraldi hilol,
  Osmon qopchigʻining choki soʻkildi.
  Bulut yirtigʻidan olmoslarmisol,
  Zulmatda yulduzlar tutday toʻkildi.
  
  
  
  
  
  16 may, 2014 yil.
  Kunduz soat 10 dan 0 daqiqa oʻtdi.
  Kanada.
  
  
  Tazarru
  
  
  Men ikkiqat debman osmonni,
  Kechiringlar, yettiqat ekan.
  Siz sevmagan tipratikonni,
  Iyagimda oʻstirsammikan?
  
  Kechiringlar, koʻzimga bari,
  Koʻrinibdi misoli bezak.
  Sigirlarning nodir asari,
  Gulga oʻxshab ketguvchi tezak.
  
  Uzr, pisand etmagan boʻlsam,
  Nazokatli kimsalar didin.
  Sassiq mushkdan yuqori qoʻysam,
  Daladagi Burganlar xidin.
  
  Maʼzur tuting, oʻxshasa fursat,
  Barmoqlarim semiz qurtlarga.
  Va kuzatsam sizdan beruxsat,
  Turnalarni olis yurtlarga.
  
  Uzr, sizni odam deb gohi,
  Borgan boʻlsam bilmay topinib.
  Yotgan mahal dalalar roxi,
  Qorlar koʻrpasini yopinib.
  
  
  
  2003 yil, Andijon.
  
  
  
  Kuzatish
  
  
  Jilmaygancha koʻz yoshlaringni,
  Yashirasan, aldab netasan?
  Men perronda qolaman yolgʻiz,
  Sen poyezdda yigʻlab ketasan.
  
  Jiqqa yoshga toʻlgan koʻz bilan,
  Yoʻl olasan uzoq ellarga.
  Yugiraman poyezd ortidan,
  Soʻzlar uchar sovuq yellarga.
  
  Chirpiraydi poyimda xazon,
  Dekabrning bodlari yelar
  Xuvillagan perronda turib,
  Poyezd kabi chinqirgim kelar.
  
  
  1992 yil , dekabrь , Toshkent Talabalar shaharchasi.
  
  
  Otamga maktub
  
  
  Qoʻnolmay uchadi kuzgi chumchuqlar,
  Gala - gala boʻlib girdibodimda.
  Charx urib osmonda misli urchuqlar,
  Aylanib uchgani hamon yodimda.
  
  Ota, oʻzing betob yotganingda ham,
  Doim farzandlaring gʻamini yeysan.
  Tuzalsam, poshshodan - oʻgʻlimni yurtga,
  Qaytaringlar deya soʻrayman - deysan.
  
  
  Qoʻylar oxuriga solasan pichan,
  Shoshilmay odimlab, qoʻlingda xassa.
  Sandalda yotasan kitobim oʻqib,
  Tumanli bogʻlarni qirovlar bossa.
  
  Gohida sohilga borarsan yolgʻiz,
  Izlaring yomgʻirli yoʻllarda ivir.
  Men esa xorigan mudroq shaharda,
  Soyaday bukchayib yozaman shivir.
  
  
  
  2009 yil, 15 may. Kunduz soat 12 dan 45 minut oʻtdi.
  
  
  Sadoqatli chirildoq
  
  Oqshom. Dala xovli, oʻyga choʻmasan,
  Xonang derazasin bogʻlarga ochib.
  Menchi kiprik qoqmay turaveraman.
  Ering kelganda ham ketmayman qochib.
  
  Esingdami, seni firoq oʻtida,
  Kuydirib bir zamon ketgandim oʻlib.
  Mana, tagʻin qaytib keldim yoningga.
  Qaytadan tirilib, chirildoq boʻlib.
  
  Xovlingda buncha koʻp boʻlmasa gullar?
  Yo bugun bayrammi, gullar saylimi?
  Sevgilim, shu gullar ochilib yotgan,
  Xovlingda chirillab yursam maylimi?
  
  
  
  1999 yil , avgust ,
  Toshkent , tunggi soat 12 yarim .
  Doʻrmon . Yozuvchilar ijod bogʻi .
  1 - korpus , 3 - qavat , 52 - xona .
  
  
  
  Qadrdon qirgʻoqlar
  
  Oqar edi daryo yoyilib,
  Sensiz goʻyo yashardim xumda.
  Oyogʻingni oʻpardi suvlar,
  Erir edi izlaring qumda.
  
  Uchrashganda telbalar kabi,
  Soʻzlasholmay qolardik tildan.
  Yoʻllaringda muxtoj nigoxim,
  Uzoq edi sekundlar yildan.
  
  Laʼl, javoxir yulduzlar ila,
  Tun osmoni ketganda boyib.
  Uxlar eding baland soʻrida,
  Sochlaringni daryoday yoyib.
  
  Dalalikda kesishgan yoʻllar,
  Koʻzlarimdan mixlagan xoching.
  Qirgʻoqlarim qoʻporgan daryo -
  Yot yostiqqa yoyilgan soching.
  
  Balki hamon bizsiz soxilning,
  Toʻlqinlari bir - birin quvar.
  Qoradaryo oy laganida,
  Yulduzlarni oltindek yuvar.
  
  
  
  8/07/2006. Kunduz soat 2:41.
  Bishkek shaxri , Sovetskaya koʻchasi ,128 -uy ,
  39 - kvartira . Gʻariblikda yozildi .
  
  
  Sirli maktublar
  
  
  Daraxt menga yoʻlni boʻshatgan,
  Oʻtganimda shu yoʻldan doim.
  Va daraxtning sargʻayib ketgan
  Xatlariga koʻmilgan poyim.
  
  Daraxt shoʻrlik yozgan xatlarin,
  Kimdir olib oʻqishin poylar.
  Maktublarin olis olisga,
  Olib ketar poʻchtachi soylar.
  
  Sevib qolgan kimnidir daraxt,
  Sevgan yori yozmaydi javob,
  Xatlarini yashirib, karaxt,
  Yigʻlab - yigʻlab etmaydi tavof.
  
  Daraxt har yil yozaveradi,
  Siyox, dastgox, qalam, dovotsiz,
  Xatlarini xech kim oʻqimas,
  Uning sevgilisi savodsiz.
  
  
  
  1991 yil , kuz , Toshkent shahri.
  
  
  Qishloq sogʻinchi
  (Hamqishlogʻim Oʻlja akamga)
  
  
  1
  
  
  Oʻriklar gullagan oydin sukunat.
  Sholipoyalarning tiniq suvlariga
  Choʻkib ketar oyning chinni tovogʻi.
  
  
  Tun - qop -qora niqobli ninza
  U sochib tashlagan somon yoʻliga
  Yulduzlarning poʻlat tikanaklarin...
  
  
  2
  
  
  
  Daryo oʻrtasida biz sevgan orol
  Qushlar shovqiniga toʻlgan toʻqayzor
  Aylanibdi bugun sholipoyaga.
  
  
  Qushlarga qoʻnalgʻa boʻlmasin deya
  Sholipoya chetidagi yolgʻiz jiydani
  Bolta bilan kesib tashlabdi kimdir.
  
  
  Qushlar gala -gala boʻlib,
  Issiq oʻlkalarga uchib ketgandir.
  Qushlar qishga gʻamlamaydi don.
  
  
  Dexqon oʻrilgan sholilarini
  Qayigʻiga yuklab,
  Tumanli daryoda yolgʻiz bir oʻzi
  Suzib borar balki qirgʻoqqa tamon.
  
  
  
  Tumanli yulgʻunzor tamonda balki
  Yomgʻirlar tilida pichirlab yigʻlar
  Qushlar shovqinini sogʻingan sohil.
  
  
  3
  
  
  Laylakqor gupillab yogʻayotgan on
  Oppoq unga belangan tegirmonchiday,
  Koʻchamizdan oʻtar tungi yoʻlovchi.
  
  
  Qirov uvildirigʻi qoplagan
  Tongi haybatli teraklar!
  Tepsang ulardan
  Guvillab tushadi bulutday koʻchki.
  
  
  Sochlari oqargan sozanda shamol.
  Chalar qorli dala simfoniyasin.
  Qor qoplagan dalada esa
  Valьsga tushadi yolgʻiz qorquyun.
  Qish- oppoq royalь.
  
  
  4
  
  Oydinda gullagan
  Oʻriklarning oppoq gulpallalari
  Toʻkilib, yerlarni oqartirganda
  Oyning oppoq shuʼlalariga
  Belangan yoʻlovchi oʻtar koʻchadan
  Xorgʻin, oʻychan tegirmonchiday.
  
  
  Kesilgan jiydaning oʻtkir tikonlari
  Oydinda yaltirar
  Tun - qop -qora niqobli ninza
  Somon yoʻliga sochib yuborgan
  Yulduzlarning poʻlat tikanagiday.
  
  
  Daryo oʻrtasidagi orol tamonda esa
  Endi tishi chiqqan goʻdak misoli
  Jiyda nihollari yozadi kurtak.
  
  
  Sholipoyalarning tiniq suvida
  Sinib yotgan mahal oyning tovogʻi.
  
  
  
  27 fevralь, 2013 yil.
  Kunduz soat 11 dan 32 daqiqa oʻtdi.
  Kembridj shahri, Kanada.
  
  
   Toshbitik
  
  
  Faqat osmon bilan tirikmas inson,
  Yashab boʻlmaydiku qadrdon yersiz.
  " Yashasa boʻladi " deyishing mumkin,
  Gʻarlar yashaganday jaxonda ersiz.
  
  Yashab boʻlar dersan quyoshsiz xatto,
  Oydin dalalarsiz, tumansiz, qorsiz.
  Vatansiz va Erksiz, tutqun qul boʻlib,
  Yashash ham mumkindir gʻurursiz, orsiz
  
  Hatto xudosiz ham yashamoq mumkin.
  Yashashing mumkindir olamda mensiz.
  Qabrtoshim urib, qargʻama, chunki,
  Men yashay olmadim dunyoda sensiz.
  
  
  
  2000 yil , 8 iyulь , Maslaxat qishlogʻi.
  
  
  Zor -intizor
  
  
  Qurgʻoqchilik kunlari keldi,
  Saxro kabi qaqragan koʻzga.
  Bu dunyoda, sevgilim endi,
  Goʻzal soʻz yoʻq ismingdan oʻzga.
  
  Kengliklarga chiqib ketaman
  Sogʻinchlaring qiynasa yomon,
  Soʻzanaklar tentirab uchgan,
  Jim , kimsasiz dalalar tamon.
  
  Oqshom tushib yaraqlaydi oy,
  Shuʼlalarga belanar kiftim.
  Yulduz toʻla poyonsiz u joy,
  Dur - javoxir qadalgan shiftim.
  
  Qurillaydi baqalar mayus,
  Sohilda tun etagin teshib.
  Yuksaladi koʻklarga ruhim,
  Oy nuridan arqonlar eshib.
  
  
  
  1999 yil , avgustь . Maslaxat qishlogʻi.
  
  
  Balki
  
  Kuzgi shamol va maxzun xayol,
  Chizging kelar tasvirin boʻzga.
  Choʻkar moviy dubulgʻa - osmon,
  Kuzga oʻxshab ketguvchi koʻzga.
  
  Koʻrdim koʻzing tubida gʻamni,
  Arzir edi yigʻlasam uvlab.
  Yupun bogʻlar bagʻridan uchgach,
  Barglar ketdi shamolni quvlab.
  
  Sochlaringday uzun dardlaring,
  Qoshlaringda yillar kuyasi.
  Koʻzing qiri xanjarday oʻtkir
  Kipriklaring koʻzyosh uyasi.
  
  Balki sen ham muxojir qushday,
  Uchib ketib qolarsan zumda.
  Izlaringda daryolar ingrab,
  Suvlar yigʻlar yugirib qumda.
  
  Balki endi sensiz oʻlarman,
  Balki oʻlmay kirarman yuzga.
  Termularman balki sogʻinsam,
  Koʻzlaringa oʻxshagan kuzga.
  
  
  
  2001 yil , avgustь. Maslaxat qishlogʻi.
  
  
   Seni unutmayman
  
  
  Tumanlardan chiqib kelasan,
  Lek kirmaysan ostona xatlab,
  Men bir umr yeta olmagan,
  Olis orzu , muqaddas matlab.
  
  Sen oʻtasan ortinga boqmay,
  Tashlab asta iloxiy odim.
  Izlaringda men emas , goʻyo,
  Qolar ruhsiz yuz yilgi yodim.
  
  Yuksalganday boʻlasan koʻkka,
  Dalalarni yoritgan oydek.
  Men bir chetda qolib ketaman,
  Oy yorugʻi tushmagan joydek.
  
  Termulaman seng ketgan yoʻlga,
  Tumanlarga singiydi jisming.
  Derazaning oynasin kuxlab,
  Xovurlarga yozaman isming.
  
  
  
  1991 yil , dekabrь . Toshkent .Talabalar shaharchasi, 14 -yotoqxona.
  
  
  Hotira
  
  
  Unutmayman endi hech qachon,
  Oʻsha qaygʻuli tongni.
  Oʻchgan chiroqlarni,
  Oqarishib kelayotgan
  Olachalpoq osmonni,
  Yiroqlarni.
  Fil suyagi kabi
  Oppoq qoʻllaru
  Shunday jussani.
  Muyulishga yetganimda
  Koʻzim girdobiga
  Choʻkkan gʻussani.
  Endi u joylarga bormayman,
  Borsam,
  Shamollar yigʻlaydi
  Qamish tilida.
  
  
   1993 yil.Andijon.
  
  
  Sirdaryo
  ( Sohiba Ashurovaga)
  
  Suv ichgani kelgan kiyikdek,
  Oyoq qoʻyding toshli sohilga.
  Va termulding gʻalayon solib,
  Toshlarga bosh urgan johilga.
  
  Qatra - qatra koʻz yoshing toʻkib,
  Xasratingni suvlarga aytding.
  Sirlarimni saqlagil, daryo -
  Deb sohildan ohista qaytding.
  
  Koʻzimda yosh, xasratga toʻlib,
  Men dardingni tushunib yetdim.
  Va ayrilmas sodiq doʻst boʻlib,
  Sirlaringni oqizib ketdim.
  
  
  1996 yil, kuz. Andijon shahri.
  
  
  Kuzgi sohil
  
  
  Osmonni bulutlar suruvi bosdi,
  Yunglari jamalak, yoʻqdir tuyogʻi.
  Bu ochkoʻz suruvning dastidan, rosti,
  Qolmabdi osmonning qamish, qiyogʻi.
  
  Daryo lablarida chiridi naylar,
  Hayratdan osmonga baqraydi dala.
  Jannat qushlariday bargi hazonlar,
  Uchib oʻtib ketdi gala va gala.
  
  Zaʼfaron tanazzul, beqadr chervon,
  Namchil yoʻlaklarga yopishgan yorliq.
  Daraxt olomoni - sassiz gʻalayon,
  Yomgʻirlarda shishib yigʻlaydi borliq.
  
  Vaqt botqogʻida bijgʻiydi yillar,
  Daraxtlarni tutdi jimlik uvoli.
  Sen esa kelmaysan, vaqt imillar,
  Sovuq zulmatlarda hijron shamoli.
  
  Chirpirab toʻzgʻiydi qaxrabo xazon,
  Bezovta qushlarning vaxshiy boʻroni.
  Xazonga koʻmildi chetanli qoʻrgʻon,
  Olisda oʻrmalar poyezd iloni.
  
  Toʻlqinlar toʻymaydi qumloqni yalab,
  Chorloqlar chiyillab shovqin soladi.
  Gulxanga boqaman, sheʼrlarim qalab,
  Hademay koʻzyosh ham qaynab qoladi.
  
  
  
  12 noyabrь, 2004 yil. Yarim tun. Andijon shahri.
  
  
  Bolalik
  ( Toʻbo xola xotirasiga)
  
  Chetan chavra bilan oʻralgan bogʻlar,
  Bogʻda giloslarning bagʻri qonaydi.
  Yulgʻinzorda shamol tentigan chogʻlar,
  Kakku mening qolgan umrim sanaydi.
  
  Gʻurillaydi tolzor tamonda gʻurrak,
  Traktor kemaday tashlaydi langar.
  Boʻynin choʻzib xangrar yaylovda eshak,
  Ovozi keng dala dashtlarda yangrar.
  
  Quymoq pishiradi quyoshdan iyunь,
  Gʻir gʻir esib oʻtar daydi shabada.
  Uzoq uvotlarda raqs tushar quyun,
  Traktorchi uxlab yotar kapada.
  
  Dala yoʻlda moped qoʻyganday poyga,
  Tirillar, koʻtarib qiyalikda chang.
  Tepalikda elni chaqirib choyga,
  Oshpaz Toʻbo xola ura boshlar zang.
  
  
  Tang! Tang! Tang! Tang!
  
  
  1989 yil, Iyulь.Maslaxat qishlogʻi.
  
  
  
  Qoʻshiq
  
  
  Yulduzlar yaraqlab porlayveradi,
  Ularning changini xech kimsa artmas.
  Uzoqlardan imlab, chorlayveradi,
  Koinotga sening borishing shartmas.
  
  Zaminning eng goʻzal daraxti uchun,
  Oʻtkazilsa agar tanlov, koʻriklar,
  Birinchi oʻrinni olmasin nechun,
  Bahorda gullagan qantak oʻriklar.
  
  Yellar ish oshirar kelinchaklarga,
  Oʻrik gulpallasin toʻkib, erkalab.
  Oʻrik gullayverar oppoq qoʻshiqni,
  Qarsagu olqishlar qilmaydi talab.
  
  Bu gala kontsertga kirishing mumkin,
  Boʻlmasa ham chiptang, puling yo tillang.
  Oppoq qoʻshiqlardan ochilar shul kun,
  Ruhing kapalagi berkingan pillang.
  
  
  
  2004 yil, bahor, Andijon.
  
  
   Qiziq dunyo
  
  
  Qorongʻudan chiqib qorongʻulikka,
  Ketguvchi umrlar aylana chiziq.
  Boshing sharga oʻxshar buning ustiga,
  Shar ustida yashash undan ham qiziq.
  
  Qiziq tuyularkan yer - bepul uchoq.
  Doim xizmatingga tursa shaylanib.
  Sen borib yurmasang. ochgancha quchoq,
  Fasllar yoninga kelsa aylanib.
  
  Qiziqda, bir umr koinot bilan,
  Qoʻshilib aylansang, aylansang yerga.
  Undan ham qizigʻi, bu voqeani.
  Kimdir aylantirib yuborsa sheʼrga.
  
  
  2000 yil 28 iyulь , yarim tun .
  Maslaxat qishlogʻi .
  
  
  DENGIZDA
  ("Istanbul ilhomlari " turkumidan )
  
  
  Emmonoel boʻgʻozi, Tamsil, Eskudar,
  Otmoqda yomgʻirli Istanbul tongi.
  Marmaraning moviy sohili qadar,
  Yangrar kemalarning xasratli bongi.
  
  
  Dengizlar ortida qolgan Vatanim,
  Sogʻindim Masjidu minorlaringni.
  Sogʻindim, ey unib, oʻsgan maskanim,
  Kuzda lovullagan chinorlaringni.
  
  Marmara dengizi, izillab, qaqshar,
  Parom chayqaladi, gʻijirlar eshik.
  Toʻlqin allalaydi onaga oʻxshab,
  Dengiz -dunyodagi eng ulkan beshik.
  
  Chuvvos solib uchar koʻkda chaykalar,
  Halal berib xayol -girdibodimga,
  Qiy -chuv qilib, suron koʻtarib alar,
  Daryo sohillarin soldi yodimga.
  
  Men uygʻoq boqaman kengliklar tamon.
  Gʻamlarga topolmay boʻyinturuqlik.
  Suv yuzida yarmi koʻrinib turgan,
  Qoʻrqinchli maxluqqa oʻxshar quruqlik.
  
  
  
  1999 yil, dekabrь. Turkiya. Istanbul.
  Marmara dengizi.
  
  
  Hayrat
  
  Kuchli shamol enadi qirdan,
  Va aylanar yomgʻir jalaga.
  El qochadi shiyponga birdan,
  Ketmonini tashlab dalaga.
  
  Berkinadi ayvonga avom,
  Borliq xayol otiga minar.
  Qasirgʻalar etarkan davom,
  Quyar jala va oxir tinar.
  
  Sellar yuvib tozalab ketgan,
  Sof havoga toʻladi ayvon.
  Dov daraxtlar oʻzi aks etgan,
  Koʻlmaklarga boqadi hayron.
  
  
  
  22 oktyabr, 2014 yil.
  Kech soat 8 dan 00 daqiqa oʻtdi.
  Kanada.
  
  
  Enamni yod etib
  
  
  Boʻyi pastakkina Fotima enam,
  Ogʻzida bor edi bir dona tishi.
  Koʻrpa qavir edi mehribonginam,
  Paxtani savalash sevikli ishi.
  
  Gʻippa -gʻippa urar edi paxtani,
  Qilichday savachoʻp oʻynar dastida.
  Nazarimda enam goʻyo maqtanib,
  Oʻltirardi oppoq bulut ustida.
  
  Bulutlarga boqsam baʼzi minutlar,
  Xoʻrlik vujudimda qoʻzgʻaydi maxshar.
  Osmonni toʻldirib suzgan bulutlar,
  Enam savalagan paxtaga oʻxshar.
  
  
  
  24/09/2014.
  Kunduz soat 12 dan 10 daqiqa oʻtdi.
  Kanada.
  
  
  Qaldirgʻoch
  
  
  Kuzda ketganingni sezmay qolar el,
  Hattoki ortingdan yursa ham poylab.
  Koʻkda qanotlaring ivitsada sel,
  Ummonlar ustidan uchasan oylab.
  
  Boʻronlar ham seni toʻsolmas yoʻldan,
  Goho seni quyuq tumanlar yutar.
  Uy olib Maslaxat yo Oltinkoʻldan,
  Biz kabi bir joyda yashasang netar?
  
  Har bahor xalloslab qaytib kelasan,
  Qishlasangda Misr va yoki Chinda,
  Chugʻur chugʻur sayrab, zavqqa toʻlasan,
  Loylar marjonidan qurilgan inda.
  
  Loyni iylarmishsan tumshugʻing bilan,
  Bu qanday guvalak, ayt, qanday usul?
  Koʻlmaklarda goho aytgancha oʻlan,
  Choʻmilasan, goʻyo qilganday gʻusl.
  
  Bu yil yana izlab yashamoqqa joy,
  Eshitdim, qaldirgʻoch, kelibsan qaytib.
  Yana in quribsan, tumshugʻingda loy,
  Bizni xasharga ham qoʻymabsan aytib.
  
  
  
  24 may, 2014 yil.
  Tungi soat 1 dan 17 daqiqa oʻtdi.
  Kanada.
  
  
  Bahor qoʻngʻirogʻi
  
  
  Botargoxda oqshom qushlari,
  Bogʻlar quloq pardasin yorar.
  Shovullagan terak uchlari,
  Qip -qizil choʻgʻ singari yonar.
  
  Aytib yigʻlar iskaptoparlar,
  Oh chekishdan bormikin foyda?
  Osmon toʻla javoxir va laʼl,
  Choʻkib yotar bir qismi soyda.
  
  Uysiz itlar akillab, daydir,
  Porlar minglab chiroq chivini.
  Dov daraxtlar uxlashga shaydir,
  Oy yoritar sohil suvini.
  
  Suvchi oʻnglar suvlar yoqasin,
  Osmon - qozon, zulmat kuyali.
  Bahor qurillatar baqasin,
  Uning telefoni uyali.
  
  
  
  30 dekabr, 2011 yil.
  Kunduz 11 dan 11 daqiqa oʻtdi.
  Toronto shahri Kanada.
  
  
  Yomgʻir
  
  
  Keldi uzoq kutilgan fasl,
  Chirib ketdi qorlar kafani,
  Oʻzi yum -yum yigʻlab, muttasil,
  Ovutadi yomgʻir xafani.
  
  Yoʻllar egri koʻzgu, qayrilgan,
  Kim avtobus, kim kutar taksi.
  Koʻlmaklarda esdan ayrilgan,
  Dov -daraxning parishon aksi.
  
  Oynaband shoxbekatda avom,
  Yoʻlga boqar nenidir oʻylab,
  Yomgʻir esa quyar bardavom,
  Nelarnidir shivirlab, soʻylab.
  
  Yomgʻir qushmi, tumshugʻi sinmay,
  Derazangni tirnab, choʻqiydi.
  Hozir yozgan sheʼringni tinmay,
  U pichirlab, yigʻlab oʻqiydi.
  
  
  4 aprel, 2014 yil.
  Kech soat 5 dan 1 daqiqa oʻtdi.
  Kanada.
  
  
  Muhojir
  
  
  Koʻzlarim sevgimiz koʻmilgan qabr,
  Koʻz yoshim ellik yil saqlangan boda.
  Turnalar olislab ketgach, negadir,
  Soʻppayib qoldim men yetim dunyoda.
  
  Endi zulmatlarda shamol chekar oh,
  Yalongʻoch novdalar chaladi burgʻu.
  Isiriq tutatar bogʻda tiyramox,
  Ilohiy shovqinga yomgʻirlar urgʻu.
  
  Shu kecha qish kelar, boʻron qoʻzgʻotib,
  Qalin qor qoplaydi oʻrmonni demak.
  Tumanda turtinib, qorlarga botib,
  Tongda boʻrsiqlarga eltiyman yemak.
  
  
  
  5 avgust, 2011 yil.
  Tungi soat 11 dan 52 minut oʻtdi.
  Toronto shahri, Kanada.
  
  
  Tungi osmon
  
  Kal deb hazil qilsam gohida,
  Ketib qolma, arazlama, oy.
  Cheksiz osmonlarning toqida,
  Yulduzlarga yetishmaydi joy.
  
  Ular imo - ishora qilar,
  Aytgan soʻzin qiyin anglamoq.
  Birov artgan kabi yaltirar,
  Yulduzlarga yotdir zanglamoq.
  
  Miltillashar misoli gʻussa,
  Suvlar yerga yozilgan chitday.
  Tonga yaqin yulduzlar pishsa,
  Ummonlarga toʻkilar tutday.
  
  
  
  26 aprel, 2014 yil.
  Kech soat 7 dan 17 daqiqa oʻtdi.
  Kanada.
  
  
  Oy bilan suhbat
  
  
  Hadeb derazamdan qarayverma oy.
  Qolmadimi odob, hayo va sharming?
  Sendan berkingali topolmayman joy,
  Kim seni kemtidi, nega yoʻq yarming?
  
  Boshqa derazalar ketganmi qurib,
  Boqsangchi qoraygan qoʻshni darchaga?
  Koʻrpaga oʻranib, uyquni urib,
  El xurrak otmoqda, qattiq charchagan.
  
  Yalangbosh yurasan tun boʻyi daydib,
  Archilgan tuxumday yaltirar boshing.
  Nahot mangu oʻsib chiqmasa qaytib,
  Ustarada taglab qirilgan qoshing?
  
  
  
  13 mart, 2014 yil.
  Kech soat 7 dan 35 daqiqa oʻtdi.
  Kanada.
  
  
  Oydin oqshomlar
  
  
  Xovlimizda kuzgacha endi,
  Oʻsar balki burgan, shoʻralar.
  Xuvillagan xonamga tunda,
  Oy darchadan gʻamgin moʻralar.
  
  Baqalarning shivirlab aytgan,
  Qoʻshiqlarin tinglaydi chiroq.
  Chiroq emas, sogʻinch sargʻaytgan,
  To tongacha boʻzraygan firoq.
  
  Xayol gilos gullarimisol,
  Toʻzgʻib ketar edi saboda.
  Oydin kecha oʻgʻrincha visol,
  Oʻynar edi sochin shaboda.
  
  Oʻt -oʻlanlar ichra chekib oh,
  Chirildoqlar chirillar edi.
  Doʻstlar, meni yolgʻizlikda goh,
  Chidab boʻlmas sogʻinchlar yedi.
  
  
  
  7 mart, 2014 yil.
  Tungi soat 1 dan 17 daqiqa oʻtdi.
  Kanada.
  
  
  Vatan hajri
  
  
  Bolalik berkindi kakku oh chekib,
  Toʻrgʻaylar toʻliqib sayragan joyga.
  Oshpaz Toʻʼbo xola doʻnglikka chiqib,
  Hamon odamlarni chaqirar choyga.
  
  Qushlar shovqinidan qulogʻing bitar,
  Osilar shomlarning ogʻir qabogʻi.
  Sohil suvlariga choʻkkancha yotar,
  Koʻkdan tushib singan oyning tovogʻi.
  
  Eh, ona qishlogʻim, ota makonim,
  Yaqinsan, sen menga juda yaqinsan.
  Sen bahor shomida hasratli va jim,
  Ufqlarda chaqnagan gʻamgin chaqinsan.
  
  
  
  
  20 yanvar, 2014 yil.
  Kunduz soat 1 dan 43 daqiqa oʻtdi.
  Kanada.
  
  
  Qorboʻron
  
  
  Qorga botdim tizzamga qadar,
  Muzlab qoldi havoda soʻzim.
  Qor shopirgan boʻronda badar,
  Ildamlayman yolgʻiz bir oʻzim.
  
  O, aqldan ozayotgan qor,
  Harir parda, ilohiy toʻsiq.
  Chirpirayver yorugʻ, intizor,
  Mangu mahzun, adoqsiz qoʻshiq.
  
  Sen koʻzlari oppoq oqargan,
  Dunyoda eng buyuk soʻqirsan.
  Koʻcha fonuslarin yoqarkan,
  Shivirlaysan, sheʼrlar oʻqirsan.
  
  Uyqu kelmas, kelar oʻylaging,
  Qorli kecha - umr tushdagi.
  Sudraladi, xarir koʻylaging,
  Dalalarda shamol xushtagi.
  
  
  
  24 iyunь, 2014 yil.
  Kech soat 8 dan 2 daqiqa oʻtdi.
  Kanada.
  
  
  Tun haqida
  
  
  1
  
  Tun shivirlamaydi.
  U faqat chinqiradi.
  Shunday chinqiradiki,
  Quloq pardalaring yirtilib,
  Qonab ketar edi eshitganingda.
  
  
  2
  
  Tun paranji - chimmatsiz
  Qip - yalongʻoch yotgan qop -qora juvon
  Uning sirlari koʻp goʻzaldan - goʻzal.
  Lekin goʻzal emas hamma sirlari.
  
  Tunni hatto
  Telbalarcha sevish ham mumkin
  Faqat pinxona...
  Kunduzga sezdirmasdan deganday...
  
  
  3
  
  Gʻajishga shaylanma yulduzlarni sen.
  Negaki, yulduzlar
  Sen oʻylaganinchalik kichkina emas.
  Ular ham oʻziga hos katta.
  Shu qadar kattaki,
  Ularni gʻajib tashlash uchun
  Bilasanmi, exheyeeyey!..
  Hech boʻlmasa, senga
  Koinotday ogʻiz,
  Meteoritdan yasalgan, oʻta mustaxkam
  Tishlar kerak boʻlar oʻtkirroq.
  
  
  4
  
  Neandertal odamga oʻxshab,
  Derazangdan olazarak qaraganingcha
  Xayollarga botasan.
  Rashk kelar
  Sevgiling toʻlgʻonib
  Tunlarning qoʻynida yotgani mahal.
  Tun esa - ayol.
  
  
  5
  
  Chiqib kelsa yoring tunning qoʻynidan,
  Rashk oʻtida yonasan.
  Unda nega onang ham,
  Singling ham, qizing ham
  Oʻzing ham yotibsan tunning qoʻynida?
  
  
  6
  
  
  
  Uygʻon, galvars, tun qoʻynidan chiq!
  
  
  
  
  1993 yil, Andijon.
  
  
  Mabodo
  
  
  Men bir it boʻlsaydim
  (Laycha yo koʻppak)
  Zulmatli kuz kechasi
  Daryo ortidagi "Lattaqishloq" da
  Boʻgʻiq akkillardim
  Goʻyo xum ichida xurayotganday.
  
  Tovushimni tinglab,
  Uxlab qolarding
  Ilinardi koʻzinga uyqu.
  
  
  Yoxud, boʻlsam edi sassiqpopishak
  Pupupub - pupupub - pupupub
  Pishsh shsh! - deya
  Olis uvotlarda sayrardim uzoq.
  Dexqonlar ishlashdan toʻxtab, jilmayib
  Bir zum quloq tutardi menga.
  
  
  Yo boʻlmasa omadim chopib,
  Chigirtkaga aylanib qolsam,
  Oy porlagan oqshom
  Yozgi "Qirgʻizxoji" dalalarida
  Tunni zirillatib chirillar edim.
  
  
  Yoki deylik birdan falokat bosib,
  Odam boʻlib qolsam kutilmaganda
  Katta - kon odam.
  
  
  Bolaligim kechgan
  Qoraqolpoqlar xutoridagi
  Choʻchqaxona xarobasidan
  Qarardim bepoyon mangu osmonga
  Oʻzimning naqadar muvaqqat, ojiz
  Zarra ekanimni anglamoq uchun.
  
  
  
  
  15 oktyabrь ,2006 yil ,yakshanba .
  soat 13 dan 58 minut oʻtdi.
  Bishkek , Leningrad koʻchasi 35 uy.
  
  
  Ayriliq
  
  
  "Yoqmasam, ka - a -a - atta koʻcha" deding,
  Koʻchaga chiqdim.
  Koʻcha jim - jit edi, kimsasiz, oydin.
  Men avvallari bilmas ekanman,
  Koʻchaning bunchalar
  Katta boʻlishin.
  
  
  
  2002 yil , 2 oktyabrь . Yarim tun .
  Andijon shahri 4 - kichik daxa.
  
  
  Shukrona
  
  
  Olloxim, anavi yon qoʻshnim borku,
  Oʻshandan degin,
  Belkurak oluvdim yer agʻdargani.
  Oʻsha qoʻshnim bir soat oʻtgandan keyin,
  Bergan belkuragin soʻrab chiqibdi.
  Sen boʻlsang
  Tugʻilganimdan beri ishlatib yurgan
  Belkurakdan afzal qoʻllarimni
  Mana, qirq yetti yildirki
  Qaytarib ber deya qistab kelmaysan,
  Yaqinda Komxozdan, B.T.I dan,
  Gorgazdan, Elektrosetdan,
  Soliq idorasidan
  Odamlar keldi
  Semiz - semiz popka koʻtarib.
  Toʻlov miqdorini eshitgach,
  Xushdan ketay dedim, koʻkarib.
  Olloxim,
  Yaxshiyamki farishtalaring,
  Semiz - semiz popka qoʻltiqlab,
  Quyosh, yomgʻir ,shamol xaqini
  Surishtirib kelmas uyimga
  Yaxshiyamki nafas yoʻlimga
  Havo xisoblagich oʻrnatmagansan.
  
  
  1992 yil, Maslaxat qishlogʻi.
  
  
  Bahor haqida
  (Chori Avaz xotirasiga)
  
  
  Bahor kelayotir.
  Hali hech kim yashamagan bahor.
  Bultur sening izlaring qolgan,
  Soʻqmoqlardan kelayotir ul.
  Ochiladi shubhasiz endi,
  Hali hech kim oʻpmagan,
  Hali hech kim xidlamagan gul.
  
  Bahor kelayotir,
  Hali hech kim oʻlmagan bahor...
  
  
  
  1993 yil . Toshkent shaxri .
  
  
  Oʻgʻlim Azizbekka
  
  
  Magar oʻlsam, xazin boʻzlab, xayr deb yigʻlagil, oʻgʻlim,
  Zulmlarga chidab oʻtgan chayir, deb yigʻlagil ,oʻgʻlim.
  
  Kel, ey gʻassol, koʻray soʻng bor dadamning afti angorin,
  Yuzidan pardani bir zum qayir, deb yigʻlagil, oʻgʻlim.
  
  Uning xarastlarin aytsam, ulus koʻz yoshini toʻksa,
  Bu suvda kemalar qilgay sayr deb yigʻlagil, oʻgʻlim.
  
  Tiriklik chogʻida bir bor kelib ahvolini soʻrmay,
  Tobut ustinda vaʼz aytma, gʻayr, deb yigʻlagil, oʻgʻlim.
  
  Bugun hech boʻlmasa shundoq ulugʻ kun xurmati yorab,
  Dadamni shum gʻanimlardan ayir, deb yigʻlagil, oʻgʻlim.
  
  Bu Vulqon portlagach, kul aylabon naynov gʻanimlarni,
  Bugun Jannat tamon uchgan tayr, deb yigʻlagil, oʻgʻlim.
  
  
  
  1990 yil , Maslaxat qishlogʻi .
  
  
  Chagʻalay
  (Rauf Parfi xotirasiga)
  
  
  Oʻzining bor yetimligi bilan,
  Dalalar ustida porlayotgan oy,
  Uchburchak shaklli romga joylangan
  Sharlarni har yoqqa toʻzgʻitish uchun
  Oʻqlogʻ yordamida yoʻnaltirilguvchi
  Billiardning buzgʻunchi soqqasi emas.
  
  
  U sovuq adirda yolgʻiz va yupun,
  Shuʼlalardan yuzi sargʻayib
  Chiroq koʻtarib borayotgan.
  Soch - soqoli oppoq, boʻyni ingichka,
  Momaqaymoq toʻzgʻogʻiga oʻxshagan Rauf.
  
  
  Sheʼriyatning tilla chigʻirigʻida,
  Jon iplarin yigirgan vujud.
  
  
  Raufdan yigirib olingan
  Lojuvard nurlarning kalavasi oy.
  
  
  Xoy, sovuqdan tovoni yorilgan Rauf,
  Bankrotga uchragan merosxoʻr kunda,
  Kundamas, kundada Quyoshning oʻtkir,
  Olmos nuri ila kesilgan oyna
  Yoʻllaringda bahor jarchisi boʻlib,
  Erib yotgan mahal koʻlmaklar,
  Eshkaksiz qayiqda yolgʻiz bir oʻzing,
  Sevinch koʻz yoshlaring kafanga artib,
  Begona tunlarga koʻchib ketibsan.
  
  
  Shigʻalab yogʻarmi endi yomgʻirlar?
  
  
  
  
  20/01/2007.Kunduz soat 11:22.
  Bishkek shahri, Leningrad koʻchasi 35 uy.
  
  
   Qahramon
  (Hamqishlogʻim , ikkinchi jahon urushi nogironi ,
  marhum Fozil ota xotirasiga )
  
  
  
  Guvillaydi bogʻlarda boʻron,
  Tun qorongʻi, tong hali yiroq.
  Pastak uyning mehrobi aro,
  Miltillaydi xira jinchiroq.
  
  Chol uzilgan tasmani ulab,
  Oyogʻiga yuzli mix qoqar.
  Oyoq emas, ne desam ekan,
  Tuyogʻiga mungʻayib boqar.
  
  Yoriladi, yogʻoch oyogʻi,
  Chol koʻzidan yoshi tirqirar
  Qaylardadir zulmat qoʻynida,
  Qush odamga oʻxshab chinqirar.
  
  
  Odam qushga oʻxshab qiyqirar.
  
  
  
  
  1988 yil . Bahor . Maslaxat qishlogʻi .
  
  
  Tongni kutib
  
  
  Tumanlar qoplagan kuzgi bogʻlardek,
  Hayotim xuvillab qoldiku sizsiz.
  Yorugʻ, unutilmas, maʼsum chogʻlardek,
  Jimjitlik qaʼriga ketaman izsiz.
  
  Qadrdon dorvoza va baland devor,
  Meni tutib yeydi kimsasiz shahar.
  Xorgʻin chiroqlarga termulib, bedor,
  Men sizni eslayman to subhi sahar.
  
  Qushlar egallaydi tong minbarini,
  Bogʻlarda yangraydi jarangdor sayroq.
  Atlas koʻylagingiz etaklarini,
  Tongi shabbodalar qilganda bayroq.
  
  
  
  1991 yil , kuz , Maslaxat qishlogʻi .
  
  
   Bahor tongi
  
  
  Boʻlmasa ham daryoda toshlar,
  Sinar oyning tongi tovogʻi.
  Va ohista yorisha boshlar,
  Alvon ufqning zavr qobogʻi.
  
  Termulaman bogʻlarga uzoq,
  Gʻamlar erir maxzun navoda.
  Qaylardadir maʼraydi buzoq,
  Pichan xidi suzar havoda.
  
  Oyna koʻzi ochilgan koʻrdek,
  Toʻlib - toshib sayraydi mayna.
  Goʻyo tiniq koʻldagi oʻrdak,
  Gʻaqillaydi top-toza oyna.
  
  Sen xalinchak uchasan hamon,
  Yer atalgan bahaybat sharda.
  Derazalar ortida shamol,
  Yelkan kabi qabargan parda.
  
  
  
  1998 yil . May . Andijon shahri.
  
  
  Hayrat
  (Doʻstim Asqar Maxkam xotirasiga)
  
  
  Kofarnihon kechuvlaridan,
  Sigir haydab oʻtar bolalar.
  Quyosh botib, zulmat qaʼrida,
  Uxlar shudring tushgan dalalar.
  
  Lekin mening ikki koʻzim koʻr,
  Axir, bunday emasdi dastlab.
  Bu yomgʻirlar nega buncha shoʻr?
  Osmon buncha ketibdi pastlab?
  
  Nega qalqib chiqmadi koʻz yosh,
  Osmonlarga boqqanim zaxot?
  Nechun hech kim otmay qoʻydi tosh?
  Maxluqlardan qutildim naxot?
  
  
  
  7 iyulь, 2008 yil, kunduz soat 5 : 29.
  Toronto shaxri. Kanada.
  
  
  Qargʻaga
  
  
  Qargʻa, seni tezakxoʻr desak,
  Hafa boʻlma, olmagin malol.
  Chunki tezak baʼzi odamning,
  Luqmasidan ming bora halol.
  
  Qor qoplagan chorbogʻlarga boq,
  Kumush qordan daraxtlar boʻrki.
  Qarr! Qarr! desang tumanda shu chogʻ,
  Goʻzal qishning ortadi koʻrki.
  
  Seni yomon degan kimsaning,
  Komilligi emasdir yaxlit.
  Eng yaxshi qush oʻzingsan, chunki,
  Bulbullarga qilmaysan taqlid.
  
  
  2008 yil, 30 iyulь, dushanba. Tungi soat 2 dan 04 minut oʻtdi.
  Toronto shahri. Kanada.
  
  
  Kosmik muhojir
  
  
  Biz intildik osmonga mudom,
  Osmon esa tushibdi yerga.
  Uning suvda choʻmilgan chogʻin,
  Tasvirlasa sigʻmaydi sheʼrga.
  
  Zamin hamma narsadan pastdir,
  Deb oʻylama mafkurang buzib.
  Sen pastda deb oʻylagan narsa,
  Yurgan mahal kosmosda suzib.
  
  Raketada uchmadim deysan,
  Qoʻy, koʻksinga urmagil pichoq.
  Sen osmonavt, Yer esa qadim,
  HAQ yaratgan bahaybat uchoq.
  
  Eng qudratli raketalar ham,
  Oʻynolmaydi Yer bilan poyga.
  Chunki yuz yil uchsa ham inson,
  Borar zoʻrgʻa bir metr joyga.
  
  Vaqti kelib ketar avlodlar,
  Minib lappak arobasiga.
  Bizni tashlab ona zaminning,
  Oy yoritgan harobasiga.
  
  Yashab oʻzga olamlar aro,
  Tumanlikda gulhanlar yoqar.
  Va sogʻingan sayyorasiga,
  Olislardan mungʻayib boqar.
  
  
  
  11 iyunь, 2010 yil.
  Kech soat 5 dan 15 minut oʻtdi.
  Toronto shahri, Kanada.
  
  
  Bozorda
  
  Qoʻyimizni sotayotganda ,
  Koʻzlarimdan chiqib ketdi yosh.
  Muxtojlikka laʼnatlar oʻqib,
  Qoʻybozorda egib qoldim bosh.
  
  Mehr bilan manglayin silab,
  Rozi boʻlgin - dedim men qoʻyga.
  Oʻsha qoʻyni eslayman xamon,
  Gʻarq boʻlgancha xududsiz oʻyga.
  
  Menku oddiy bir qoʻyni sotib,
  Mijjam boʻldi koʻz yoshga tikan,
  Oʻz xalqini sotganlarning ham ,
  Koʻzlaridan yosh chiqarmikan?
  
  
  
  1989 yil. Andijon.
  
  
  
  Akme
  
  
  Jimirlaydi xazina osmon,
  Osmon "O" simon.
  Yoʻqlik ramzi nolь raqamiday.
  "O" simon ummon.
  Unda miltillaydi
  Yulduzlarning sonsiz uvildirigʻi.
  Uvildiriqlar aro suzar,
  Koʻzlari oʻyilgan,
  Tili kesilgan,
  Zulmatni yoritgan oyning kallasi.
  Siz aslo qoʻrqmang,
  Oʻzingizni qoʻlga oling.
  Soʻng oʻzingizni oʻzingiz
  Xonaga qamab
  Eshikni zanjirlab
  Tongacha uxlang.
  Tongda tirikligingizni
  Anglamoq uchun
  Devorga osilgan
  Koʻzguga kuxlang.
  Agar paydo boʻlsa koʻzguda xovur,
  Qoʻni-qoʻshnilarni chaqiring.
  Soʻng ularga:
  -Garov oʻynaysizlarmi,
  Men tirikman! - deya baqiring.
  Lekin Baxt qushining tuxumidan,
  Quymoq qilmang zinxor ba zinxor.
  Tuxumlarni bostiring.
  Ochib chiqsa,
  Qirgʻiylardan qoʻring ularni.
  Baxt qushining joʻjalari
  Koʻpayib ketsin.
  Hamma baxtli boʻlsin Vatanda.
  Baxt nolib yurmasin baxtsizligidan,
  Hafa boʻlib yurmasin shodlik.
  Ovqat och qolmasin,
  Kiyim yalongʻoch.
  Suvlar chanqamasin.
  Olov sovqatmasin qaltirab - qaqshab!
  
  
  
   1993 yil, Maslaxat qishlogʻi.
  
  
  Veteran
  (Ikkinchi Jahon Urushi ishtirokchilariga bagʻishlanadi)
  
  
  Uning dil koʻzgusin parchalagan oʻq,
  Chil - chil sinib ketgan, boʻlmaydi butlab.
  Doʻstim, u insonga qoʻl choʻzib, hech yoʻq,
  Buyuk bayram bilan qoʻysangchi qutlab.
  
  Miskarnay boʻgʻzida bizga tanish "Valьs",
  Yengil sadolari oʻynar havoda.
  Qahramonning siyrak sochlarin besas,
  Tortqilaydi tongi mayin shabboda.
  
  Shu kunlarda qolgan u yolgʻiz, yoʻlsiz,
  Yoʻqdir uning bunda tengdoshi, tengi.
  Uzoqlarga maʼyus termular, qoʻlsiz,
  Shamolda bayroqday xilpirar yengi.
  
  
  
  15 avgust, 2010 yil.
  Tong. Toronto shahri, Kanada.
  
  
  Kalishnoma
  
  
  O, orqasi yirtilgan kalish!
  Kiyilaverib maymayib, rangi oʻngib,
  Oqshayib ketgan kalish...
  
  Buncha ogʻzing katta boʻlmasa sening?
  Yoki yigʻlayapsanmi ovozsiz, xoʻngrab?
  Balki esnayotgandirsan
  Kinnachi kabi?
  
  Yoki kulayapsanmi mening ustimdan?
  
  Kim biladi,
  Balki,
  Qoʻshiq aytayotgandirsan
  Bir paytlar ogʻzinga kirgan
  Oyogʻimni sogʻinib, qoʻmsab...
  
  
  
  23 may, 2008 yil.
  Kunduz soat 12 dan 56 minut oʻtdi.
  Toronto shahri, Kanada.
  
  
  Ilmoq
  
  
  Siz nazarga ilmaysiz meni,
  Yaxshiyam ilmaysiz
  Ilsangiz agar,
  Elu xalqqa kulgu boʻlardik.
  
  Chunki, men novchaman.
  Nazaringiz esa
  Haddan ziyod past.
  
  
  
  2001 yil, 21 yanvarь, tungi soat 9 dan 21 minut oʻtdi.
  Tashqarida qor yogʻyapti. Maslaxat qishlogʻi.
  
  
  Kuz ilhomlari
  (Aruz vaznida yozilgan sheʼr)
  
  
  Voh, kuzgi daraxt shaklida hayronani koʻrdim,
  Yolgʻiz va gʻarib, bir dili vayronani koʻrdim.
  
  Jim - jit koʻchada oʻynadi raqqosa shamollar,
  Charx urdi hazon girvati, parvonani koʻrdim.
  
  Darcham yonidan oʻtdi uchib yovvoyi gʻozlar,
  Hijron toʻla dil aksida devonani koʻrdim.
  
  Qushlar uyasin tutdi daraxt shoxida, yo, Rab,
  Inlarga boqib gʻam toʻla paymonani koʻrdim.
  
  Zaʼfar kapalaklar kabi uchganda xazonlar,
  Barglarga koʻmilgan koʻcha , ostonani koʻrdim.
  
  Yoʻllarga xazonlar toʻshadi kuzgi Toronto,
  Boqqancha chinor bargiga Fargʻonani koʻrdim.
  
  Qalbimda Xudo, Kaʼbaga oʻxshaydi vujudim,
  Sipqorgali ishq bodasi - mayxonani koʻrdim.
  
  Doʻst topmadi Vulqon bu jahon mulkida izlab,
  Har yerda gʻanim, vaxshati begonani koʻrdim.
  
  
  
  26 oktyabrь, 2010 yil.
  Tongi soat 7 dan 35 minut oʻtdi.
  Toronto shahri, Kanada.
  
  
  
  VATAN
  (Oʻzbekiston xalq hofizi Sherali Joʻrayevga bagʻishlanadi)
  
  
  Sen agar bugʻdoy boshoq boʻlsang somoningman, Vatan,
  Toabad boshing omon boʻlsin, tovoningman, Vatan.
  
  Barcha yaxshi, barcha oqil, barcha dono, faylasuf,
  Qimtinib bir chekkada yurgan yomoningman, Vatan.
  
  Chor taraf zulmat, tuman, uvlaydi ming -minglab shoqol,
  To sahar gulxan yoqib chiqqan choʻponingman, Vatan.
  
  Barcha jim, tilsiz pisib, mum tishlaganda, xayqirib,
  Haq soʻzin dor ostida aytgan zaboningman, Vatan.
  
  Boʻlmasin ovvora yov oybolta qayrab qatlima,
  Qatl etib oʻldirsa xam oʻlmas omoningman, Vatan.
  
  Yurtda Vulqon choʻqqidek boshim bulutlardan baland,
  Yov uchun mangu oʻtib boʻlmas dovoningman, Vatan!
  
  
  
  2004 yil, Maslaxat qishlogʻi.
  
  
  
  Shavkat Rahmon hotirasiga
  
  
  "Osmon toʻla havolar, faqat menga yetmaydi."
  Shavkat Rahmon.
  
  
  Xato qilgʻay desa kimki vabo oʻldirdi shoirni,
  Demang tillo kumush ohanrabo oʻldirdi shoirni.
  
  Labinda gʻunchadek nozik tabassum, qoʻynida hanjar,
  Baxil, qalbi qaro "doʻst - aqrabo" oʻldirdi shoirni.
  
  Yayov yolgʻiz kezarkan bir oʻzi oydin chamanlarda,
  Sahar gʻir -gʻir esib oʻtgan sabo oʻldirdi shoirni.
  
  Muhabbat dardiga topmay davo, sheʼr yozdi u bedor,
  Kiyib gulgun qabo nozik ado oʻldirdi shoirni.
  
  Kelib koʻklam, chaqin chaqnab, chopib yomgʻir aro shodon,
  Shalobbo koʻylagi bir dilrabo oʻldirdi shoirni.
  
  Xazonlar raqsiga termultirib boʻm - boʻsh xiyobonlar,
  Samoda turnalar aytgan vido oʻldirdi shoirni.
  
  Yalongʻoch dov daraxtlar berkinib sokin tumanlarga,
  Xazonli bogʻdagi sharmu hayo oʻldirdi shoirni.
  
  Nazm boʻstoniga keltirdi sof muzdek havolarkim,
  Bu ne qismat, qarang, oxir havo oʻldirdi shoirni.
  
  
  
  05/08/2015 yil.
  Kechki soat 6 dan 36 daqiqa oʻtdi.
  Kanada.
  
  
  
  Farid Usmonga
  
  
  Qon tomirlar rishtadir, shundan jarangdor sozimiz,
  Bizga shunday soz ato etgan Xudodan rozimiz.
  
  Sheʼr yozishdek bedavo bir dardni yuqtirgan aziz,
  Kamtarin shoir Farid Usmon bizim ustozimiz.
  
  Shum qadamlar yetmagan tosh qoyalar mangu makon,
  Koʻkda burgutlar kabi koʻz ilgʻamas parvozimiz.
  
  Qilmagʻaymiz eʼtibor yogʻiy gʻanimlar hayliga,
  Bor adolatli Xudo -yavmul qiyomat Qozimiz.
  
  Yigʻlamay quvnoq yasharmiz bu fano tuprogʻida,
  Titratar olamni garchand oh ila faryodimiz.
  
  
  
  16/06/2016.
  Kech soat 8:02.
  Kanada.
  
  
  Men gʻarib shomlarda gʻamgin chaqnagan chaqmoq edim
  
  
  Ey Vatan nomli chinor, shoxingda bir yaprogʻ edim,
  Bogʻdagi mahzun shamollar shashtida titroq edim.
  
  Zoxiran miskin faqir, bir chetda yurdim hoksor,
  Lek koʻngil otligʻ jahonda hokimi mutloq edim.
  
  Katta yoʻldan nurli manzillar tamon shoshganda el,
  Oʻt -oʻlan ichra koʻrinmas kimsasiz soʻqmoq edim.
  
  Paxtadek oppoq bulutlarga qarab goh yigʻladim,
  Men gʻarib shomlarda gʻamgin chaqnagan chaqmoq edim.
  
  Oʻtsa oy xorgʻin suzib sokin daraxtzorlar tamon,
  Sheʼr bitib oydinda tunlar to sahar uygʻoq edim.
  
  Kunbotar yoqlarda sohil qushlari shovqin solib,
  Koʻkka toʻlqin sapchigan tosh qoyali qirgʻoq edim.
  
  Toptading, teshdi oyogʻingni tikonlar, ey gʻanim,
  Chunki men toshlarni yorgan yam -yashil yantoq edim.
  
  Ishqida oʻrtab vujudim, oʻrladi boʻgʻzimga oʻt,
  Kecha kunduz Haq Taolo vasliga mushtoq edim.
  
  Yigʻlamang koʻz yosh toʻkib, hargiz mozorim ustida,
  Qoʻydilar tuproqqa jismim, men axir tuproq edim.
  
  
  
  07/11/2016.
  Kunduz soat 1 dan 47 daqiqa oʻtdi.
  Kanada, Onterio.
  
  
  
  Ayo soqiy
  (Hofiz Sheroziy gʻazaliga Xoldor Vulqon muhammasi)
  
  
  Yuzin koʻrgim kelur har on, bu hijron lahzasi yillar,
  Firoq sahrosida qiynab, koʻzimga tortadir millar,
  Azobim yuklasam nogox, chidolmay chinqirar fillar,
  Ayo soqiy sunib joming qil ehson, yashnasin dillar,
  Koʻrundi avval ishq osonu soʻngra tushdi mushkullar.
  
  
  Vujudim rishtasiiga tim qaro soch tolasii bandkim,
  Labiining bolidin sharmandadir novvot ila qandkim,
  Junun sahrosida chekkan azobim Qays uchun pandkim,
  Sabo yechmoqchi boʻlgan soochining xushboʻyiga ontkim,
  Muanbar xalqa - xalqa soochidin qon boʻldi bu dillar.
  
  
  Muhabbat rozinii dilbar kelib sirri nihon aytsa,
  Qulogʻimga pichirlab, jilmayib shirin suxon aytsa,
  Gʻanim koʻz yoshiga choʻkkay chekib oxu figʻon, aytsa,
  Botir sajjodanii mayga agar piri mugʻon aytsa,
  Yoʻlovchiga erur maʼlum yoʻl ahvoli va manzillar.
  
  
  Sanam mujgonidan paykon kelib sanchilsa gar bir dam,
  Jigar sadporalar boʻlgʻay berolmas hech kishi yordam,
  Magar hoziq tabibim yor, tirilgay soʻzlasa murdam,
  Menga yor uyida ishrat qurish imkoni yoʻq har dam,
  Qilurkan qoʻngʻiroq faryood, bogʻlang yukni gʻofillar.
  
  
  Ayo ey dil tilab vaslin yutarsan qon ila zardob,
  Qoʻyar joninga oʻt dilbar kiyib qirmiz qabo zarbob,
  Bu yoʻlga kirma deb ogoh etibdur ishq elin arbob,
  Qorongʻudir kecha qoʻrqinchli mavj, daxshatlidir girdob,
  Na bilgʻay holimizni chetda turgan yuuki yengillar.
  
  
  Falakning charxi kaj , undan muruvvat kutma, ey Hofiz,
  Zaminnii titratib Vulqon kabi qon yutma, ey Hofiz
  Kezib sahro biyobonlar aro yoʻl tutma, ey Hofiz,
  Agar vasl istasang undan uzoqqa ketma, ey Hofiz,
  Tilakni izla, qoʻy dunyoni, ber orzuga tabdillar.
  
  
  
  23 may, 2010 yil.
  Tungi soat 12 dan 45 minut oʻtdi.
  Toronto shahri, Kanada.
  
  
  
  Men diyoru yorisiz
  ( Alisher Navoiy gʻazaliga Xoldor Vulqon muhammasi)
  
  
  Masjidim mayxona har dam koʻzlari hummoorsiz.
  Shuʼlalar yangligʻ mayin, hush, boʻyi gul attoorsiz,
  Bepoyon sahroda qoldim kulbayu devoorsiz,
  Navbahor ayyomi boʻlmish men diyoru yoorsiz,
  Bulbul oʻlgʻondek xazon fasli gulu gulzoorsiz.
  
  Teshdi osmonlarni boshim, buncha ummonlar sayoz?
  Kuydirib kul qildi poyim qahraton qishlik ayoz.
  Boʻldi alvonrang qizil qonim siyoxidin qogʻoz,
  Gohi sarv uzra gahi gul uzra bulbul nagʻmasoz,
  Vaxki menman gungu lol ul sarvi gul ruxsoorsiz.
  
  Qoshlaring shamshiridin toʻgʻrab otilgan burdaman,
  Kechalar oydek jamolingdin taralgan nurdaman,
  Intizor, vaslingni izlab na tirik na murdaman,
  Tong emasdur, gar diyoru yooorisiz ozurdaman,
  Kim emas bulbul, gulu gulzoorsiz, ozoorsiz.
  
  Choʻgʻ kabi alvon labingdin sachragay qonimgʻa oʻt,
  Soʻzlaringdinkim ilashgay laxza har yonimgʻa oʻt,
  Oʻrlagay zulmatda guvlab oxu afgʻonimga oʻt,
  Ravza ashjori oʻtindur, gullari jonimgʻa oʻt,
  Mumkin oʻlsa anda boʻlmogʻliq dame Dildoorsiz.
  
  Parpirar yulduz va oy, sokin halovatligʻ kecha,
  Dur toʻkilmishdur guhar, gulgun dudogʻingdin necha,
  Jilmayib siymin bogʻichlardin mayin soching yecha,
  May chu berding, zulf ila band et meni, ey mugʻbacha,
  Kim xush ermas mugʻ bila ichmak qadax zunnoorsiz.
  
  Bu umr iz tushmagan qorli, salobatli dovon,
  Intilar qorli dovonlar qasdida piru javon,
  Jomi vahdat birla qorlar ostida qoldik omon,
  Topmaduq gul rangi jomi bexumor ey boogʻbon,
  Vaxki bu gulshan aro gul butmas ermush xoorsiz.
  
  Bu kecha oy nuridan boʻlmish charogʻon sogʻu soʻl,
  Navbahor oqshomi sokin, yashnagay sahroyu choʻl,
  Qaqragan dashtlar aro Vulqon hayot daryosi boʻl,
  Ahli zuxd ichra Navoiy topmadi maqsadgʻa yoʻl,
  Vaqtingizni xush tuting ey jaʼmikim xummoorsiz.
  
  
  
  9 mart, 2009 yil.
  Kunduz soat 4:45.
  Toronto shahri.
  
  
  Yaxshiligʻ
  (Zahiriddin Muhammad Bobur gʻazaliga
  Xoldor Vulqon muhammasi)
  
  
  Kutma oʻzni fil atab yurgan quyondin yaxshiligʻ,
  Koʻrmamish olam eli, kasbi ziyondin yaxshiligʻ.
  Yetmagʻay insonga hech qurtu chayondin yaxshiligʻ,
  Kim koʻribdur, ey koʻngil, ahli jahondin yaxshiligʻ,
  Kimki ondin yaxshi yoʻq, koʻz tutma ondin yaxshiligʻ .
  
  Ahli dillar oʻrtanur zulmatda har on, har daqiq,
  Jilmayar poygakda donish, zaʼfaron, roʻyi aqiq,
  Boshiga tushganda kulfat boʻlmadi davron shafiq,
  Bu zamonni naafʼiy qilsam, aayb qilma, ey rafiq,
  Koʻrmadim hargiz netoyin, bu zamondan yaxshiligʻ.
  
  Kimsasiz oydin sukunat toʻldi maxzun koʻnglima,
  Gohi burgut qoya oshyon boʻldi maxzun koʻnglima,
  Bepoyon, darvesh shamollar yeldi maxzun koʻnglima,
  Dilrabolardin yomonligʻ keldi maxzun koʻnglima,
  Kelmadi jonimgʻa hech oromi jondin yaxshiligʻ.
  
  Yaxshilarga chox qazib goh otmagil toʻfangu toʻp,
  Sen alarning gardi poyin koʻzga surt, ardoqla, oʻp,
  Telba, dovdir kimsalardek chopmagin qoʻllarda choʻp,
  Ey koʻngil, chun yaxshidin koʻrding yomonligʻ asru koʻp,
  Emdi koʻz tutmak ne maʼni har yomondin yaxshiligʻ.
  
  Gʻam yema qoʻzgʻolsa boshing ustida toʻfoni Noʻh,
  Oʻksima gardun yoʻlinga gul emas, sochganda choʻgʻ,
  Jilmayib boshing baland tut, otsalar koʻksinga oʻq,
  Bori elgʻa yaxshiligʻ qilgʻilki mundin yaxshi yoʻq,
  Kim, degaylar, dahr aro qoldi falondin yaxshiligʻ.
  
  Porlasin koʻksingda, Vulqon, botining zoxir kabi,
  Bodai rahmatni dilda saqlagʻil chogʻir kabi,
  Naʼra tortsang titragay yer goh zamon oxir kabi,
  Yaxshiligʻ ahli jahondin istama Bobur kabi,
  Kim koʻribdur, ey koʻngil, ahli jahondin yaxshiligʻ.
  
  
  
  
  22 may, 2010 yil.
  Kunduz soat 5 dan 43 minut oʻtdi.
  Toronto shahri, Kanada.
  
   ---------------------------------------------------------------------------------
  TARJIMALAR:
  (Yapon sheʼriyatidan Xoldor Vulqon tarjimalari)
  
  1983 -2006 yillar.
  
  Maslaxat,Toshkent, Bishkek.
  
  
  Soʻz sehri
  (Xayku haqida )
  
  Xayku yolgʻizlikni kuylaguvchi ixcham sanʼat asaridir.
  Xaykularda koʻp qirrali nimkosa maʼno, falsafiy mazmun yoʻq.
  Yapon shoirlari xaykular orqali goʻzal tabiat manzaralarini, yoxud narsalar xolatini, yoki odamning muayyan ruhiy kayfiyatini aks etdirish orqali oʻquvchiga xayrat bagʻishlaydi, tuygʻularini tabiat bilan uygʻunlashtiradi, inson hissiyotlarini sunʼiylik gʻuborlaridan tozalaydi.
  Xaykularda aks etdirilgan manzaralarni koʻz oldingizga keltira olsangiz, togʻdagi qishloqda oy chiqishini sargʻayib kuzatayotgan dexqonlar holatini,butazorlar ortidan ohista koʻtarilayotgan toʻlin oyni koʻrayotganday, chigirtkalar chirillashini eshitayotganday, boʻlasiz.
  
  Xoldor Vulqon
  
  
  Bundan olti asr avval yozilgan yapon haykulari:
  
  Matsuo Basyo yozgan xaykular:
  
  
  ***
  
  Qorli tong.
  Yana quritilgan baliqni
  Yeyman shekilli yolgʻiz bir oʻzim.
  
  ***
  
  Dengiz suvida suzib yurar
  Mayda yaltiroq baliqchalar
  Tutaman desang yoʻq boʻlib qolishar.
  
  ***
  
  Sovuq shamollarda sholoplar eshkak
  Yuragim siqilar
  Tun yana koʻz yosh...
  
  ***
  
  Shu qoyadan turib
  Koʻm - koʻk dengizga
  Qalpogʻimni uloqtiraman!
  
  ***
  
  Qishki dala
  Uzoqlarda yurar dexqonlar
  Qolgan - qutgan choʻplarni yigʻib
  
  ***
  Sochim oʻsibdi
  Ozib ketdim, rangim olingan
  Bugʻu oyidagi yomgʻir toʻxtamas.
  
  ***
  
  Banan yaproqlari soʻlgʻin
  Oyning porlab chiqishini
  Sargʻayib kuzatar dexqonlar
  
  ***
  
  Yoʻllar toygʻoq muzlama
  Attang, toyib yiqildi
  Shirakayf doʻstim.
  
  ***
  
  Oʻlgan oʻgʻlin eslab yigʻladi ota
  Soʻnayotgan gulxan choʻgʻlari
  Oʻchib qoldi uning koʻzyoshlaridan.
  
  
  ***
  
  Egnimdagi qogʻoz koʻylagimni
  Ivitib yirtibdi
  Bahor yomgʻiri.
  
  ***
  
  Muzlagan olabugʻa baliqlari
  Irjaytirib yotar tishlarin
  Sovuq doʻkon peshtaxtasida.
  
  ***
  
  Qaydasan sen, mening tayanchim?
  Xassa qilib olgan choʻpagimni
  Sindirdi kuzgi shamol.
  
  ***
  
  Ufqlarga botmoqda quyosh
  Kuzgi daryo suvlarida
  Yaltillaydi mayda baliqlar.
  
  ***
  
  Choponim yupqa.
  Kun boʻyi oʻtirib undagi bitlarni
  Terib oʻldirdim.
  
  ***
  
  Juda qalin qor yogʻibdi
  Endi Xakbinz togʻidan
  Qanday oshib oʻtar odamlar?
  
  ***
  
  Yosinodagi gullagan giloslarni
  Koʻrsataymi senga,
  Mening qalpogʻim?
  
  ***
  
  Oxir quvib yetdim
  Oʻtgan bahorni
  Olis "Vaka" bandargoxida.
  
  ***
  
  Voy bayov!.. Voy bayov!..
  Yana nima deyish mumkin siz xaqingizda
  Yosinodagi gullagan giloslar!
  
  ***
  
  Ot ustida uxlab qolibman.
  Uygʻonganda koʻrdim olisda oyni
  Tongi tutunlar.
  
  ***
  
  Qarayman, aylanar qorga
  Qorongʻu kechada
  Qishki yomgʻirlar.
  
  ***
  
  Ustunlariga has - xashak ilingan
  Koʻprik xayrlashayotir
  Toʻlin oy bilan.
  
  ***
  
  Qaydan keldi bu yalqovlik?
  Bugun arang uygʻotishdi meni
  Shovullaydi bahor yomgʻiri.
  
  ***
  
  Qiziqamiz yonar qurtlarga,
  Qayiqchidan umid yoʻq, u mast,
  Toʻlqinlar qayiqni surib bormoqda.
  
  ***
  
  Oydin qish kechasi
  Qor bosgan yoʻllar,
  Itga otay desam topilmaydi tosh.
  
  ***
  
  
  Kobayasi Issaning yana ikki xaykusi:
  
  
  ***
  
  Kechib oʻtdim sayoz va toshli,
  Feʼruzarang daryo suvlarin
  Shippagimni qoʻlimga olib
  
  ***
  
  Oydin kecha
  Tiniq sholipoya suvida
  Oqib yurar gilos gullari .
  
  
  
  Kovaxigasi Xekigadoning ikki xaykusi.
  
  
  
  ***
  
  Suzayotir qora kemaday,
  Sekin asta bulutlar aro
  Togʻning choʻqqisi.
  
  ***
  
  Shilliqqurtning sira
  Chigʻanogʻidan chiqqisi kelmas
  Kuzgi shamollar.
  
  
  
  Masaoka Sikining ikki xaykusi.
  
  
  ***
  
  Gullagan Yamabuka soyasi,
  Suv solingan qovoqda
  Biltanglaydi kumushrang baliq.
  
  ***
  
  Kimsasizlik.
  Daraxt soyasidagi oʻrindiqda
  Qaragʻayning igna barglari.
  
  
  
  Nayto Meysetsu yozgan xaykular:
  (1847 - 1926)
  
  
  
  ***
  Ogʻilxona ustida
  Porlar yangi oy.
  Olxoʻri gullabdi.
  
  ***
  
  Qaytarib keladi oʻz ovozimni
  Yana oʻzimga
  Kuzgi boʻronlar.
  
  ***
  
  Oy porlayotir.
  Oyoq qoʻydim osma koʻprikka,
  Lapangladi koʻprik gʻijirlab .
  
  ***
  
  Yurmayotgan otining
  Jilovidan tortar zoʻr berib
  Aravakash sovuq kechada.
  
  ***
  
  Eshitilar oyna ortidan
  Dexqon ketmonining chiqirlashlari.
  Shudgorda tosh koʻp.
  
  ***
  
  Zilol suvli daryo,
  Lapanglab oqmoqda
  Suvga qulatilgan xodalar.
  
  ***
  
  Tutunlarda koʻrinmay ketar
  Sargashta roxib.
  Olislarda yangrar qoʻngʻiroq.
  
  ***
  
  Chugʻurchuqlar galasi
  Uchib oʻtdi tepamdan.
  Eshitdim qanotlar shuvillashini.
  
  ***
  
  Menga sovgʻa berishdi,
  Uyga olib ketyapman suvli kosada
  Oltin baliqchani.
  
  ***
  
  Qish yomgʻiri.
  Xamma narsa jim.
  Qirgʻoqdagi qayiq ham hatto.
  
  ***
  
  Goʻyo itoatkor kapalakni oldiga solib
  Xaydab kelayotganga oʻxshar
  Soʻqmoqdagi yoʻlovchi.
  
  
  
  
  Taneda Santoka xaykulari:
  (1882 - 1940)
  
  
  Yaxshilab chaynash kerak,
  Hafsala bilan.
  Guruch bu guruchda...
  
  
  ***
  
  Ayozli qish kechasi.
  Sovuq izgʻirin.
  Men qayerda tunayman endi?..
  
  ***
  Dalada izgʻirin.
  Toshlarni teraman
  Kuzgi shamolda...
  
  
  ***
  
  Qanday ivib ketdima!
  Boyagina huv anavi,
  Bulutlardan yoqqan yomgʻirda!..
  
  ***
  
  Uzuliksiz kovshanaman.
  Mening ovqatim -
  Guruch kepagi.
  
  ***
  
  Hoy ,noinsof chigirtka!
  Xaltadagi guruch oʻzi oz!
  Ertagacha yetsin...
  
  
  ***
  
  Yoʻlda kasal boʻlib qoldim ,
  Mana endi tungi zulmatda ,
  Tinglayapman sel shovqinini . . .
  
  ***
  
  Qorongʻi tushdi
  Endi oydin togʻlardan
  Axtaraman tunamoqqa joy
  
  
  ***
  
  Naxot shu kul qolgan boʻlsa
  Yoqib yuborilgan kundaligimdan ?. . .
  
  ***
  
  Tong pallasi yirik tomchilar
  Nogʻora qilib chalar
  Kulbaning tomin .
  
  ***
  
  Burga chaqib uxlatmayapti . . .
  Yulduz toʻla bepoyon osmon . . .
  
  ***
  
  Dengizlarga tikilganimcha
  Soxildagi oʻtloqda
  Boʻshanaman , xojat qilaman.
  
  ***
  
  Bolakaylar oʻynab yuribdi
  Qabrlar aro . . .
  
  ***
  
  Oqshom qoʻngʻirogʻi jaranglar . . .
  Oyoqlarim yurmay qoʻydi . . .
  
  ***
  
  Kuzgi shamollarda
  Ot sugʻoraman . . .
  
  ***
  
  Choʻchqa menga tikildi ,
  Qiziqishdan ochilgan ogʻziga
  Kirmoqda kuzgi shamol .
  Buncha ham mazali
  Boʻlmasa guruch .
  Kavshanaman bir oʻzim oʻychan .
  
  ***
  
  Oftob qizdirmoqda
  Ustarada qirilgan
  Taqir boshimni.
  
  ***
  
  Shunday ketmoqdaman
  Soʻzanakni qalpogʻimga
  Qoʻndirganimcha.
  
  ***
  
  Yolgʻiz oʻtiribman
  Romlarga yelimlab
  Yangi qogʻozni.
  
  ***
  
  Qanday va qayoqdan qaramayin
  Hamon yogʻayapti toʻxtamay
  Yogʻayapti qor.
  
  ***
  
  Chirildoqlar chirillar.
  Berkinishning iloji yoʻq
  Bu tovushlardan.
  
  ***
  
  Hamon uchayapti
  Kuzgi daraxtlarning
  Yaproqlari sovuq shamolda.
  
  ***
  
  Dam olib yotgan chogʻim
  Qizil soʻzanak
  Oyogʻimga qoʻndi oʻtloqda.
  
  ***
  
  Sake ichib
  Chirildoqlar bilan
  Uxlab qolibman.
  
  ***
  
  Yozgi sel shovqini
  Yillar oʻtishi bilan men kabi
  Qaribdi u ham.
  
  ***
  
  Mana uchrashdik nihoyat,
  Baland qoyalarda choy butalari.
  Ular gullabdi.
  
  
  ***
  
  Qayoqqadir shoshar
  Sovuq bulutlar
  Cheksiz osmonda...
  
  ***
  
  Qishki yomgʻirlar.
  Nazarimda,
  Oʻlmaganga oʻxshayman hali...
  
  ***
  
  Kechki ovqat yoʻq.
  Kuzataman quyoshni
  Togʻlar ortiga...
  
  ***
  
  Oh, qanday ajoyib
  Sel boshlanishi!
  "Tuk - tuk - tuk - tuk"...
  
  ***
  
  Yolgʻiz kapalak pildirab
  Uchib aylanyapti.
  Hamma yoqda tosh.
  
  ***
  
  Oqshomda uyga qaytayapman
  Qor ustini qoplab borar qor.
  Taraladi sukunat xidi.
  
  ***
  
  May oqshomi.
  Baqalar qurillashi aro
  Poyezd shovqini.
  
  ***
  
  Ayvonda oʻltirib
  Tongi shabbodada
  Uyembosi qiyomin yeyman . . .
  
  ***
  
  Yolgʻiz va sokin
  Jim - jit oʻngirlarning
  Shaffof tonglari . . .
  
  ***
  
  Iyulь jalasi
  Toshib ketdimi deymanda ,
  Samo toʻgʻoni . . .
  
  ***
  
  Xotiralar uchib kelar
  Qaydandir birdan
  Oppoq yuvosh kapalak bilan . . .
  
  ***
  
  Atrof togʻ oʻrmoni ,
  Boshim ostida tosh .
  Va bulutlar kuzgi osmonda . . .
  
  ***
  
  Tungi ibodatxonada
  Tongacha mushuk
  Oʻynaydi parvona kapalak bilan
  
  
  ***
  
  Kun boʻyi yomgʻir yogʻdi .
  Men oʻyladim xasratga choʻmib ,
  Olislarda qolgan Vatanimni .
  
  ***
  Yemish soʻrab miyovlar mushuk
  Lekin hech narsa yoʻq unga bergani . . .
  
  ***
  
  
  Isikava Tokuboku .
  ( 1886 - 1940 )
  
  
  ***
  
  Yarim kechasi koʻchada xayrlashayotib
  Oʻpishgandik ikkimiz uzoq . . .
  Olis kunlar yongʻini . . .
  
  ***
  
  Turgenevning romanin
  Poyezdda oʻqib ketayotib
  " Isikari " dan oʻtib ketibman.
  
  
  
  Midzuxara Syuosi.
  
  
  ***
  
  Koʻl uzra porlayotgan oyni ,
  Tomosha qilmas hech kim
  Barcha sholi oʻrimida . . .
  
  ***
  
  Binafshalar gulladi yana
  Toptaldi soʻqmoqlar
  Bahorgi oʻrmonlarda
  
  ***
  
  Olmalar gullagan .
  Boyagina yoqqan bahor selida ,
  Oppoq gul qopladi soxil suvlarin .
  
  ***
  
  Oy porlar .
  Qayinlar soyasi sezilmas ,
  Tumanlarga choʻmgan qayinzor
  
  ***
  
  Bahorni kuzatayapman
  Yomgʻirlarda shalobbo ivib
  Bulutlar bilan yuzma - yuz , togʻda.
  
  ***
  
  Yomgʻirli kun .
  Oqin boʻylab oqar xrizantemalar
  Koʻrinmaydi bironta qayiq
  
  ***
  
  Choy gullaydi baland qoyada ,
  Shom zulmati qoplagan togʻlar .
  Olislardan koʻtarilar oy.
  
  ***
  
  Naxotki binafsha
  Yolgʻiz gulladi
  Tutzorda yana . . .
  
  ***
  
  Qaldirgʻochlar chiyillab uchar ,
  Togʻlar orasidagi uyimning ,
  Tomi ustidan .
  
  ***
  
  Xagi gullayotir
  Asama togʻiga chiqaman
  Bulutlarni qayrib . . .
  
  ***
  
  Jarlar aro , toʻlqinlar uzra ,
  Chaykalarning ini yonida
  Olxoʻri gullar . . .
  
  ***
  
  Berkinadi oʻt - oʻlan ichra
  Tunash uchun oʻtloq kakkusi ,
  Yaqinlashar tun . . .
  
  
  
  Akutagava Ryunoske .
  
  
  ***
  
  Xatto quyonning ham ,
  Quloqlari shalpayib qoldi
  Qanday issiq xavo !
  
  ***
  
  Mana tong otdi ,
  Qoʻshigʻini toʻxtatib birdan ,
  Chirildoq jimib qoldi
  
  ***
  
  Togʻ etaklarida
  Yumilib qolibdi sovuq ayozdan ,
  Choy gʻunchalari
  
  ***
  
  Qishki yomgʻirlar ,
  Kanal qirgʻogʻidagi choyxonada
  Yolgʻiz bir mexmon . . .
  
  ***
  
  Bogʻ yoʻlakchasidagi
  Koʻlmakda aks etar
  Azaliya gullari . . .
  
  ***
  
  Qish kechasi sovuq ,
  Yoʻlning ikki cheti
  Bambuk oʻrmoni .
  
  
  
  Natsume Soseki .
  
  
  ***
  
  Men kasal yotgan xonaning
  Bambuk pardasida
  Kuzgi kapalak
  
  ***
  
  Kuzgi daryo uzra ,
  Aks - sado yangrar .
  Chayla qurishyapti uzoqda
  
  ***
  
  Kuzgi daryo soxili ,
  Topib oldim silliq , yapaloq .
  Oppoq qayraq tosh . . .
  
  
  Nakamuro Kusado .
  
  
  ***
  
  Gilos mevalari
  Toʻldi qirmiz sharbatga
  Biz oʻgʻil koʻrdik . . .
  
  ***
  
  Qishki dengiz ,
  Oqayotgan gul pallalariday ,
  Suzar chaykalar
  
  ***
  
  Osmonda yulduzlar,
  Qayiq toʻla olma ,
  Uy tamon suzaman...
  
  ***
  
  Koʻzaga suv quydim
  Qoʻngʻiroqlar tovushin tinglab ,
  Yangi yil kechasida.
  
  
  Iida Dakotsu .
  
  
  ***
  
  Pechkada oʻtin yonar ,
  Oyna orti - sovuq dengiz uzra
  Chiyillaydi chaykalar . . .
  
  ***
  
  Pechka eshigin ochdim ,
  Oxista , istamaygina
  Yonadi koʻmir . . .
  
  ***
  
  Shamolda chayqalib jaranglar
  Eshigimga osilgan qoʻngʻiroq
  Anor gullabdi . . .
  
  ***
  
  Pashshaxonaga kirib yotibman ,
  Soʻnayotir kuzgi saharda
  Oʻchoqdagi kechagi choʻgʻlar . . .
  
  ***
  
  Namiqib boʻkdi tevarakdagi ,
  Quvrab qolgan kuzgi maysalar.
  Yomgʻir quyar togʻlarni yuvib
  
  ***
  
  Esar gʻarbiy shamollar ,
  Kirib kelar yomgʻir suvlari ,
  Ostonaga qadar oʻrmalab .
  
  ***
  
  Inson qalbiga oʻxshar
  Faqat bir narsa -
  Kuzgi yonar qurt . . .
  
  ***
  
  Qor koʻmib tashladi
  Barcha yoʻllarni
  Isinaman oʻchoqda yolgʻiz . . .
  
  
  Nayto Meysetsu .
  
  
  ***
  
  Shaffof suvda
  Qilt etmaydi mudroq baliqlar
  Kuzgi shamol . . .
  
  
  Takaxama Kyosi .
  
  
  
  ***
  
  Qor ogʻirligidan qiyshaygan
  Ogʻilxona tamonda
  Maraydi sigir . . .
  
  ***
  
  Guvillagan sovuq shamolni ,
  Koʻksim bilan qarshi olib .
  Bir zumga unutdim qariganimni . . .
  
  ***
  
  Men bugun xar doimgidan ham ,
  Qoʻproq achindim gullarga
  Qish shamolida
  
  ***
  
  Baland qoya toshlar aro
  Koʻrinadi moʻʼjaz bir qishloq ,
  Qishki qaltis yoʻllar .
  
  ***
  
  Ikkiga ayrilib
  Olisga choʻzilar ikki ip -
  Dala soʻqmoqlari
  
  ***
  
  Xademay jimib qolar
  Oʻtinchilar boltasi togʻda ,
  Kuzgi yomgʻirlar . . .
  
  ***
  
  Uxlang Tokioliklar !
  Birinchi qish yomgʻiri yogʻar ,
  Tungi jimlikda
  
  ***
  
  Ariqchani loyqalatib ,
  Dexqonlar sholgʻom yuvar
  Xafsala bilan . . .
  
  ***
  
  Qishki boʻron .
  Fonarning xira nuri ,
  Aks etadi paqir suvida.
  
  ***
  
  Moʻrini ochaman .
  Qilt etmay osilib turar ,
  Kul ustida mudroq oʻrgimchak.
  
  ***
  
  Birinchi qish yomgʻiri ,
  Mening yuragimda umrbod
  Qolar endi u . . .
  
  ***
  
  Janub yoqqa uchib oʻtdi qush ,
  Tumshugʻida nimadir choʻqib .
  Meva shekilli . . .
  
  ***
  
  Mana , yana bitta chinor novdasi ,
  Yalangʻochlandi . . .
  Chor - atrof jim - jit.
  
  ***
  
  Oʻtinchilar qarar ,
  Togʻlardan turib ,
  Vodiylarda qolgan qorlarga . . .
  
  
  
  Kovaxigasi Xekigado .
  
  
  ***
  
  Oyogʻim ostida oʻralashib ,
  Oʻsgan maysalar aro
  Chiyillaydi mitti joʻjalar
  
  ***
  
  Men tun boʻyi xayku yozaman ,
  Xotinim esa
  Nimanidir yamab - yasqaydi . . .
  
  ***
  
  Oʻtloqqa chiqaman ,
  Qizgʻaldoqlar toʻzgʻir shamolda
  Suqsirlar uchib oʻtar . . .
  
  ***
  
  Kartoshka qaynataman,
  Tovushsiz koinot boʻshliqlarida
  Yigʻlar bolakay . . .
  
  ***
  
  Qoraygan oʻchoq moʻrisi uzra
  Aylanadi inga joy izlab
  Qaldirgʻochlar baxorda . . .
  
  ***
  
  Qishloqda bayram ,
  Qirmizi fonarlar yonar ,
  Bugʻu maʼrar olis zulmatda . . .
  
  ***
  
  Suv charxpalagin aylantirishdan ,
  Charchadi odamlar
  Sholi ekish mavsumida . . .
  ***
  
  Bugʻda pishirilgan sholgʻomni
  Suzmaga qoʻshib yeb
  Oʻltirdim gʻamgin . . .
  
  ***
  
  Sovuq suyagimdan oʻtib ketdi
  Choshgox payti soxilda
  Qaragʻaylar aro daydiyman .
  
  ***
  
  Novdalari gulga burkangan
  Bexi daraxti ostida
  Gullaydi binafshalar .
  
  ***
  
  Xuv ana , uzoqda
  " Yosa " ning qishki dalalarida
  Koʻrayapman qor qarqaralarin .
  
  
  Isikava Takuboku .
  
  
  ***
  
  Kasalxona derazasiga
  Yaqin olib kelishdi meni.
  Odamlarni koʻrib quvondim.
  ***
  Oxiri uloqtirdim
  Kuya yegan telpagimni men.
  Olti yil kiydim uni.
  
  ***
  
  
  Toki Dzemmaro.
  
  
  ***
  
  Uzoqlarni koʻrsatdim barmogʻim bilan,
  U yoqlarda, u oʻlkalarda
  Oqib yotar Volga daryosi.
  
  ***
  
  Uziliksiz, xuddi telbadek,
  Oʻylayverdim achchiq tamaki chekib
  Olis Sibir qorlari xaqda.
  
  ***
  
  Qayta - qayta oʻqiyman koʻzlarimda yosh,
  Yurakka yaqin Turgenьevning bu kitobi.
  Muqovasi sargʻayib ketgan...
  
  ***
  
  Ox, necha bor oʻchdi papiros choʻgʻi,
  Hasratli oʻylar -
  Achchiq Rus tamakisi, qish...
  
  ***
  
  
  Nasivaki Dzyundzaburo.
  
  
  ***
  
  
  Kuzgi daryo qirgʻogʻi.
  Uzun - uzun oʻt - oʻlan ichra
  Baliq tutayotgan odam oʻltirar.
  
  ***
  
  
  TANKALAR:
  
  
  
  SAYGYo ShEʼRIYaTIDAN
  
  
  ***
  Ex ,agar bu dunyoda
  Oy bulutga botmasa
  Olcha gullari toʻkilmasa
  Men yashayverardim
  Dalalardan kelmay umrbod
  ***
  
  " Yosino " togʻlaridagi
  Olcha butoqlarida
  Muzlab yotar qor
  Olchalar gullashga
  Kechikmasaydi . . .
  
  ***
  
  Duvillab toʻkildi
  Uzun - uzun oʻt - oʻlanlardan .
  Billur shudringlar .
  Kuzgi shamol guvillar
  " Myagino " dalalarida
  
  ***
  
  Nixoyat kuzgi osmonda
  Qosh qoraygan on
  Arang - arang yaltirab
  Qoʻrindi uzoq kutdirgan ,
  Sogʻintirgan oy
  
  ***
  
  Endi qandoq qilaman men ,
  Koʻylagimning namchil yengida ,
  Yalt etdi shuʼla
  Botib ketdi bulut ortiga
  Kuzgi mayus oy
  
  ***
  
  Kuz oqshomi , oydinda
  Yoprildi bulutlar
  Oy yuzin toʻsmoq uchun
  Yoʻq , koʻzlarimni aldabdi
  Gʻozlar galasining koʻlankalari
  
  ***
  
  Osmonda oy yoʻq .
  Chiqarmikin u ?
  Men ayvonda oʻltirganimcha
  Uzoq kutdim
  Oy chiqishin togʻli qishloqda
  
  ***
  
  Kunduzgiday yop - yorugʻ kecha
  Koʻlankam ham koʻrinmas .
  Oy yaraqlab porlar
  Borar manzilimni angladim
  Qoʻngʻiroqlar tovushidan
  
  ***
  
  Shudringlarin toʻkmay
  Uzib oldim men
  Gullagan Xagi butogʻini
  Chigirtkalar qoʻshigʻin tinglab
  Oy yorugʻida
  
  ***
  
  Qora siyox bilan yozilgan
  Xatlarga oʻxshab
  Gʻozlar qanot qoqib
  Gʻogʻolab uchar
  Tungi osmonda
  
  ***
  
  Oʻt - oʻlanlarni qayrib
  Yurdim qaygʻuga botib
  Shudringlardan ogʻirlashdi
  Koʻylagim yengi
  Chigirtkalar menga qoʻshilib yigʻlar
  
  ***
  
  Baxor tumanlari,
  Qayoqqa , qaysi tarafga
  Uchib ketdi ekan qirgʻovullar ?
  Ular tuxum qoʻygan oʻtloqqa
  Bolalar oʻt qoʻyibdi
  
  ***
  
  Tuman qoplagan dala
  Oʻraman oʻt - oʻlanni .
  Tumanlar qaygʻuli
  Bolaligim berkinib olgan
  Xuv olisda , tumanlardan ham narida .
  
  ***
  
  Tumanli tepaliklar tamonga
  Berkingan qirgʻovullar
  Uzoq - uzoqlardan
  Qanotlar sharpasi
  Sezilar menga
  
  ***
  
  Tinchim yoʻqolgan
  Qayerda , qaysi oʻngirda
  Qaysi togʻ yonbagʻirida
  Qaysi olcha
  Gullar ekan birinchi boʻlib.
  
  
  
  VAKAYaMA BOKUSIY yozgan tankalar .
  
  
  ***
  
  Vulqon poyida oʻsgan
  Qaragʻay oʻrmonida
  Oy kumush shuʼlalar taratgan kecha
  Tun boʻyi tinmay
  Sayradi kakku
  
  ***
  
  Eski kvartalda
  Ufqdagi shom bulutlariga
  Qarab toʻymayman .
  Kechki soat vaqtin xabarlab
  Qoʻngʻiroqlar jaranglar
  
  ***
  
  Sajdagoxdan tushaman ,
  Zinama - zina , oxista .
  Va quyuqlashayotgan zulmatda
  Butun vujudim bilan
  Xis qilaman bu kuz , bu tunni . . .
  
  ***
  
  Oqshom xasrati !
  Qirmiz koʻmirlarga sochgin
  Ozgina SAKE
  Xushboʻy koʻkatlarning xidiga
  Toʻlib ketar oʻshanda xonang .
  
  ***
  
  Mudroq togʻlar
  U yoqda togʻlar poyida esa
  Mudraydi dengiz
  Qirgʻoq boʻylab sayr qilaman
  Baxor quvonchiga toʻlib vujudim
  
  ***
  
  Yarim kecha oydinda
  Uyga qaytaman .
  Soʻng zinapoyada toʻxtayman
  Yengimdagi archa ignabarglarin
  Qoqib tushirmoq uchun .
  
  ***
  
  Bulutlar tarqadi
  Men Asama choʻqqisidagi
  Soʻqmoqlarda daydiyman
  Vulqon moʻrisi ustida
  Bulut parchasiga oʻxshagan tutun
  
  ***
  
  Dengizga termuliman
  Eshitaman qirgʻoq kuylashin .
  Toʻlqinlar gumbirlar
  Gox koʻkka sapchib , goxida pastlab
  Yuragimni toʻldirar gʻamga
  
  ***
  
  Derazani ochaman
  Yuzlarimni silar quyoshning
  Muloyim nuri .
  Uzoq kutgan edim , nixoyat
  Keldingmi , oltin kuz !
  
  ***
  
  Dud burqsigan oʻchoq
  Tutun xidi kelar
  Kurujkadagi qaynoq suvdan.
  Togʻdagi qishki kulbada sovir
  Gʻaribgina kechki ovqatim
  
  ***
  
  Daraxt shoxlari aro
  Porlaydi qishki quyosh ,
  Yuzlarimga tegar
  Uning nurlari
  Yoritadi , lekin isitmas !
  
  ***
  
  Men uzoqqa ketdim .
  Va dengiz soxilida
  Tunamoqchi boʻldim
  Endi yotgan edim yarim kechasi .
  Quydi daxshatli jala.
  
  
  
  
  Yosii Isamu .
  
  
  
  
  
  Qumli qirgʻoq .
  Baliqchi qayigʻiga oʻtirib olib
  Seni olaman qoʻynimdan -
  Muxabbat xaqidagi qissa,
  Sexrlanib qoldim sen bilan
  
  ***
  
  Toʻlqin yugirib
  Sholoplab qaytdi
  Qumdagi men yozgan xatni oʻchirib .
  Kim oʻchira olar , ayting kim ,
  Motamzada Xatni yurakdan ?
  
  ***
  
  O , naqadar orziqar yurak !
  Qumtepa kechasi tushar yodimga .
  Dengiz gʻalayoni olisda
  Chaykalarning gʻamgin shovqini .
  Pichirlab aytilgan sevgi izxori . . .
  
  ***
  
  Naxotki shunchalar mayda ,
  Arzimas xavotirlarim mening
  Xayajon , tashvishlar
  Naxotki men unutsam ularni .
  Bir ikki qadax vinodan keyin
  
  ***
  
  Oyoqlayotir
  Yoshlik yana muvaqqat ishrat .
  Endi ular bu xayotda
  Xech qachon takrorlanmas
  Kuchaymoqda kuzgi shamollar...
  
  ***
  
  Xushboʻy tamaki xidi
  Suzar xavoda
  Daydiyman gʻamgin
  Qingʻir - qiyshiq jinkoʻchalarda .
  " Gion " xavosidan simirib yolgʻiz . . .
  
  ***
  
  Poytaxtda ayoz ,
  Muzlab qolmadimikan Uchib ketayotib
  Qoʻngʻiroq jarangi
  Asta valdirayman
  Sovib qolgan soke ustida . . .
  
  ***
  
  Bilganimda edi oʻshal derazadan
  Tumanli zulmatlar aro porlagan
  Fonarning xira yogʻdusi aro
  Sukunatli tunda oynasini
  Taqillatgan boʻlardim albat .
  
  ***
  
  Xech kim kelmas
  Soʻppaygan yolgʻiz qabrimni
  Ziyorat qilmoqqa koʻzyoshi toʻkib .
  Oʻlganingdan keyin unutilishingni
  Oʻylamoq qaygʻuli . . .
  
  ***
  
  Eshitdim , Bokusiy tark etibdi
  Bu telba dunyoni .
  O , kuz bunchalar mayus,
  Xattoki yurt ba yurt daydib yursamda ,
  Xayto yeb - ichsamda , xuzurlansamda ! . .
  
  ***
  
  Kamdan - kam odamga nasib qiladi
  Totmoqlik namxush qaygʻuni -
  Lablar bilan xis qilmoq
  Tinimsiz ichilgan sake taʼmini
  Xayot va mamotning chegarasida . . .
  
  ***
  
  Fevralь oyi ,
  Eshitaman olis qaldiroqlarni
  Bahorning birinchi aks - sadosin .
  Qor yogʻayapti . Men Krab chigʻanogʻida
  Sake qaynatyapman , yolgʻiz bir oʻzim
  
  ***
  
  Qayerda , qanday va qachon ,
  Tark etarkinman bu dunyoni men
  Men xayotim xaqida oʻylayman .
  Oʻlimim xaqida fikr qilaman
  " Ino " tekisligida , oydinda
  
  ***
  
  Xasratli iztirob !
  Oʻchoqqa oʻt qalayman .
  Va tun boʻyi oʻltirib
  Xasratli oʻyga choʻmaman
  Qizargan koʻmirlarni kovlab , agʻdarib . . .
  
  ***
  
  Sening fikringa qoʻshilmagan
  Odamlarni savalash shartmi .
  Yaxshisi xivich olib
  Oʻz - oʻzingni savalab
  Mamataloq qilgan yaxshiroq . . .
  
  ***
  
  Xasratli qaygʻular !
  Bugun yana oʻchoqdagi koʻmir choʻgʻida
  Sake isitaman -
  Kundan kun tobora qishga
  Singib borayotir " Nirao " darasi . . .
  
  
  
  
  Ito Satio .
  
  
  Men yomgʻirli tunda
  " Pion " gullarini sogʻinib ketdim .
  Va toshfonarni olib
  Tashqariga chiqdim yomgʻirda daydib ,
  " Pion " larni koʻrib kelmoqlik uchun .
  
  ***
  
  Zulmat quyuqlashdi
  Men derazani yopmay
  Jinchiroq yoqdim .
  Qarasam , chiroq yogʻdusida darcha ortida
  Tovlanib turardi " Pion " gullari . . .
  
  ***
  
  Koʻrayapman - tosh ustin yopib ,
  Va daraxtning poyini qoplab ,
  Goʻyo birgalashib , yigʻilib ,
  Xamkorlikda chirpiramoqqa
  Xozirlanar bargi xazonlar . . .
  
  ***
  
  Yeru osmon
  Tong otguncha uyquga ketar
  Zulmat quyuqlashar
  Va bepoyon dengiz ustidan
  Koʻtarilar qip - qizargan oy . . .
  
  
  
  Simaki Akaxiko .
  
  
  
  ***
  
  Gullayotgan oʻtloqlar aro
  Oʻt - oʻlanli soʻqmoqdan yurib
  Keldim olis bugʻdoyzorga
  Va dedim oʻzimga oʻzim " Jim - jitlik ! "
  Oʻrdak gʻaqilladi menga javoban . . .
  
  ***
  
  Yarim kecha
  Quyuqlashgan tumanlar aro
  Sizar yogʻdular -
  Va sirgʻalgan oy shuʼlasida
  Gʻira - shira jilvalanar suv . . .
  
  ***
  
  Oʻrmon sayxonligidagi
  Sichqonli oʻtloqlarda
  Oʻltirdim uzoq
  Togʻli oʻlka bilan xayirlashyapman .
  Qaygʻuli va ogʻir bu yurak uchun
  
  ***
  
  Xira yorishmoqda tong ,
  Iliq koʻl suvlarin bugʻlatib .
  Va tumanlar navbat ba navbat
  Suzib kelar
  Koʻl ustin qoplab . . .
  
  ***
  
  Chiroq shuʼlasiga talpinganicha
  Tungi parvonalar aylanar uchib ,
  Uyda , men bilan yonma - yon ,
  Bolalarim uxlar
  Eski - tuskilarga oʻranib , qotib . . .
  
  ***
  
  Yomgʻir tindi .
  Shundan boʻlsa kerak ,
  Xavo muzdek ,
  Guruch qogʻozining qirgʻoqlarida ,
  Yonib tugayotir botish shuʼlasi . . .
  
  ***
  
  Tungi koʻchalar ,
  Soʻngan kullar qurumi bosgan
  Oʻchoq moʻrisining qirgʻoqlarini
  Qirov bilan bezaydi
  Izgʻirin ayoz . . .
  
  ***
  
  Uzoqlardan ,
  Tun qaʼridan eshitilar
  Toʻlqinlarning boʻgʻiq shovqini .
  Daraxtlar soyasi choʻzilib yotgan
  Oydinda raqs tushar dexqonlar
  
  ***
  
  Yozayapman , yozayapman ,
  Qorongʻi tushsada
  Xatto chiroqni yoqish uchun ham
  Oʻrnimdan turgim kelmas
  Yolgʻiz qarshilayman oqshomni shunday . . .
  
  ***
  
  Dalalarda erib ketdi qor,
  Qoʻngʻir tuproq yalongʻochlandi .
  Va osilib turar yer uzra
  Botayotgan quyosh lappagi
  Koʻrinishi kichik va sovuq . . .
  
  
  Nagatsuka Takasi .
  
  
  ***
  
  Dala ortidagi zovurda
  Boshlarini chiqarib suvdan
  Baqalar kuylaydi .
  Siyrak oʻrmonda esa
  Kalinalar gullabdi oppoq .
  
  ***
  
  Uy oldidagi bogʻda
  Salqin tumanlar
  Tongi gʻira - shirada
  " Badьyan " shoxlaridan toʻkilgan
  Xazonlarni supuraman jim .
  
  ***
  
  Loviya palaklari
  Yigʻishtirib olingan.
  Kuzgi daladagi
  Toʻrsaygan kulrang tikanlar aro
  Chigirtkalar chirillar gʻamgin . . .
  
  ***
  
  O ,Kameliya guli ,
  Muzlab sovqotding ,
  Sovuq shamolda
  Senga xech kim achinib boqmas .
  Oʻxshash bizning taqdirlarimiz . . .
  
  ***
  
  Bugun tunda jarangdor
  Ovoz bilan kuylar chirildoq .
  Qayerdadir , shu yaqin atrofda -
  Balki , misol uchun , oshxonada , yoki
  Sabzovot solingan toʻrvada kuylar . . .
  
  
  Koidzumi Tikasi
  
  
  ***
  
  Botayotgan kunning shuʼlasi
  Qirmizi yongʻinday shomgi togʻlarda .
  Bambuklarning qoraygan
  Soyalari esa aks etar
  Qogʻoz devorda . . .
  
  ***
  
  Yomgʻir tindi .
  Botayotgan quyosh boʻzarar
  Bugʻ koʻtarilib
  Suza boshlar , xovuz ustida
  Gullaydi noklar . . .
  
  ***
  
  Qoʻshnilar meni
  Bugʻli xammomida choʻmilishga
  Taklif qilishdi .
  Qaytayotib osmonga boqdim .
  Uchqunladi qor . . .
  
  ***
  
  Qadrdon doʻstimni
  Ziyorat qilgani bordim
  Romashka gullari
  Juda erta ochilibdi
  Chetan devorli , bogʻlarda .
  
  ***
  
  Fonarni oʻchirib
  Boraman tong saxar chogʻi .
  Va koʻraman olisda
  Oppoq tumanlar
  Yumalanib suzar yer uzra . . .
  
  
  Syaku Tyoku.
  
  
  ***
  
  Boʻm - boʻsh yoʻl .
  Quyiladi atrofga jimlik
  Qichishadi burun katagim
  Yoqilgan gulxanning achchiq dudidan .
  Choy qaynatyapman . . .
  
  ***
  
  Qalbda xotirjamlik !
  Baxor boʻronidan soʻng
  Xamma narsa tinchlandi, mana ,
  Eshitila boshladi koʻchada yana
  Yogʻoch kovushlarning toʻqillashlari . . .
  
  ***
  
  Bulutlardan sizib oʻtayotgan
  Oyning xira yogʻdusida
  Toshayotgan daryo kechuvidagi
  Sholipoyalar aro
  Boʻqoq tortgan sholilar xidi . . .
  
  ***
  
  Togʻdagi qishloq
  Qor bosgan daraxtlar .
  Jimlik , sokinlik .
  Odam ham , it ham koʻrinmas
  Qargʻalar yuribdi uylar oldida
  
  ***
  
  Mana , yana qaytib keldim men ,
  Oʻsha togʻlardagi pastak kulbamga
  Oshxonada yangrar
  Gʻaroyib qoʻshiq .
  Bu yangi hamxonam - qora chirildoq . . .
  
  
  XAYKULAR:
  
  
  
  
  
  
  ***
  
  
  Baland qoyadagi daraxtga yana
  Ilinib qolibdi
  Mening varragim . . .
  
  
  Kobayasi ISSA .
  
  * * *
  
  Ajoyib varrak koʻtarildi
  Kambagʻalning tomi ustidan
  Koʻm - koʻk osmonga . . .
  
  
  Kobayasi ISSA .
  
  ***
  
  Oyning birinchi kuni , mening ushoqdek
  Varragim boshqa varraklar bilan
  Qoʻshilib likillar Edo* ustida . . .
  
  
  ---------------------------------------
  (* Edo- Tokioning eski nomi.)
  
  
  
  
  Kobayasi ISSA .
  
  
  * * *
  
  Sel toshqini .
  Oh , qanchalar toʻlib oqmoqda ,
  Qalʼa atrofidagi zovurlar !
  
  
  Masaoka SIKI .
  
  * * *
  
  Bahor seli .
  Okeanga quyilmoqda
  Boʻtana suvlar . . .
  
  
  Yosa BUSON .
  
  * * *
  
  Suv toshqini
  Mushuk tushib ketdi oqimga
  Sakrab oʻtolmadi bechora .
  
  
  XORO
  
  * * *
  
  Bahor shamoli .
  Yutoqib - yutoqib suv ichar sichqon
  Sumida daryosidan . . .
  
  
  Kobayasi ISSA .
  
  * * *
  
  Qayiq ustida varaqlari
  Tosh bilan bostirilgan kitob
  Bahor shamollari esar . . .
  
  
  KITO .
  
  * * *
  
  Bahor shamoli .
  Turnalar oqarib xurpayar ,
  Qaragʻaylar orasida . . .
  
  
  RAYDZON .
  
  * * *
  
  Xuddi odamlarday daydib yuribdi ,
  Kaptarlar , chumchuqlar
  Baliq ovi mavsumida .
  
  
  Kobayasi ISSA .
  
  * * *
  
  Baliq ovi mavsumida
  Qisqichbaqa ishonqiramay
  Oʻlchab yurar qumda oyoq izlarin . . .
  
  
  ROFU
  
  * * *
  
  Gullagan sakuralar ichra
  Fudziyama yuksalmish koʻkka -
  Yaponiyada bahor !
  
  
  SYoU
  
  * * *
  
  Uzoqdagi fudzi togʻlarin
  Toʻsib qoʻydi yashil toʻnila
  Yoshgina yaproq .
  
  
  Yosa BUSON .
  
  * * *
  
  Sholi ekish mavsumi .
  Ox qancha qaygʻu , qancha tashvishlar
  Quyilgan - a bu qoʻshiqlarga !
  
  
  Kobayasi ISSA .
  
  * * *
  
  Dexqon uxlar togʻ etagida .
  Ketmonchaga boshini qoʻyib
  Toʻrgʻay sayramoqda havoda .
  
  
  Kobayasi ISSA .
  
  * * *
  
  Sholipoya chopgani chiqdim .
  Qush ham sayrab qoʻymas aqalli
  Togʻ yonbagʻrida . . .
  
  
  Yosa BUSON .
  
  * * *
  
  Men bu yerni agʻdargunimcha
  Ketib qopti dala osmonida
  Suzib yurgan bir parcha bulut . . .
  
  
  Yosa BUSON .
  
  * * *
  
  Oqshom tutunlari .
  Nogʻoralar zirillar gulxan tomonda
  Chalinadi quloqqa qoʻshiq . . .
  
  
  RYoTA .
  
  * * *
  
  Kun uzoq choʻzilar
  Koʻprikka qoʻnganicha turar tustovuq
  Ketmaydi uchib . . .
  
  
  Yosa BUSON .
  
  * * *
  
  Kun uzundan uzoq ,
  Olisdan elas - elas eshitiladi ,
  Objuvozning horgʻin gʻijiri . . .
  
  
  YaXA .
  
  * * *
  
  Uzoqda uchmoqda bir gala oʻrdak ,
  Men ketmonchamni chayqayman .
  " Gʻaq " etadi nimadir suvda . . .
  
  
  Yosa BUSON .
  
  ***
  
  Oʻtloq uzra tutun choʻzilgan
  Vaysashmoqda bir narsalar deb
  Ikkita biya . . .
  
  
  Kobayasi ISSA .
  
  * * *
  
  Eh sen bulbul !
  Loy oyogʻingni arttayapsanmi ,
  Olxoʻri gullariga . . .
  
  
  Kobayasi ISSA .
  
  * * *
  
  Bulbul sayrayapti
  Har zamonda tashlab qahrli nazar
  Mening kulbamga . . .
  
  
  Kobayasi ISSA .
  
  * * *
  
  Bulbul sayramoqda
  Gox uyonga , gox buyonga oʻgirilib
  Gullagan novdada . . .
  
  
  Yosa BUSON .
  
  * * *
  
  Bulutlarga shoʻngʻib
  Va ularla uchib shamolga
  Qaldirgʻochlar kelar bahorda .
  
  
  DAKOTsU .
  
  * * *
  
  Dexqon ishlayotgan
  Orol ustida ham
  Toʻrgʻay qoʻshigʻi . . .
  
  
  Kobayasi ISSA .
  
  * * *
  
  Yashil javdarizor .
  Toʻrgʻay koʻtarildi dala ustiga
  Soʻng yana pastladi . . .
  
  
  ONITsURA .
  
  * * *
  
  Narsalarni yoruqqa qoʻyib ,
  Kuzataman soyalar tugʻilishini
  Kuzgi choshgoxda . . .
  
  
  KYoSI .
  
  * * *
  
  Tong yorishar
  Qoʻngʻiroqlar ovozi
  Tumanlarga belanar .
  
  
  Mattsuo BASYo .
  
  * * *
  
  Fudzi togʻi ,
  Kuzgi osmonni teshib
  Koʻtarilar yuksakka .
  
  
  ONITsURA .
  
  * * *
  
  Kuz kechasi
  Oʻraladi noʻnoq yoʻlovchi
  Yupqa koʻylakka . . .
  
  
  Kobayasi ISSA .
  
  * * *
  
  Taralmoqda " o - o - o - ou ! "
  Mungli chorlov aks - sadosi
  Tun qoʻynida daydiydi bugʻu . . .
  
  
  Matsuo BASYo .
  
  * * *
  
  Kuzgi togʻda ibodatxona .
  Ayvonda turgancha tingladim maʼyus
  Bugʻu chorlovin . . .
  
  
  Kobayasi ISSA .
  
  * * *
  
  Bugʻu ovozi
  Olisga jaranglab singadi
  Maʼyus va maʼyus
  
  
  Matsuo BASYo .
  
  * * *
  
  Tungi sovuq .
  Menga juldur toʻnin qarzga beradi
  Daladaga qoʻriqchi . . .
  
  
  Matsuo BASYo .
  
  * * *
  
  Izgʻirin ,
  Uzoqlarda kasal turnani
  Koʻrayapman men . . .
  
  
  Yosa BUSON .
  
  * * *
  
  Poʻsht - poʻsht , chirildoq
  Xozir yonboshimga agʻdarilaman -
  Qani , joʻnab qol - chi bu yerdan !
  
  
  Kobayasi ISSA .
  
  * * *
  
  Oʻchoq boshidagi kovakka
  Chirildoq kirib olgan
  Tungi sovuq . . .
  
  
  Yosa BUSON .
  
  * * *
  
  Kuz kelmoqda
  Bu xaqda xabar olib ,
  Uchib keldi qizil ninachi .
  
  
  SIRAO .
  
  * * *
  
  Zogʻcha tutib oldim
  Uning koʻzlariga qarab bildimki ,
  Kuz kelayotir .
  
  
  DAKOTsU .
  
  * * *
  
  Ilgaklangan eshik -
  Hovli sahnasida
  Oʻynar xazonrez . . .
  
  
  TEYGA .
  
  * * *
  
  It xurmoqda
  Ajratib qurigan xazon shitirin
  Xovlida boʻron . . .
  
  
  Sisey - DZYo .
  
  * * *
  
  Oyoq ostidan chiqqach
  Chiroyliroq boʻlib qoldi u -
  Bujmaygan yaproq.
  
  
  KYoSI .
  
  * * *
  
  Nok archayapman , oqmoqda ,
  Xushboʻy ,shirin tomchilar
  Pichoq boʻylab yugirib . . .
  
  
  Masaoka SIKI .
  
  * * *
  
  Oppoq xrizantema -
  Mana qarshisida toʻxtab qaychi ham
  Qotib qoldi bir daqiqaga .
  
  
  Yosa BUSON .
  
  * * *
  
  Yangi bogʻ yaratdim
  Nihoyat undagi toshlar namlandi
  Birinchi qish yomgʻiri . . .
  
  
  SYaDO .
  
  * * *
  
  Birinchi qish yomgʻiri
  Maymun ham qarshilik qilmaydi
  Kiydirsang chopon .
  
  
  Matsuo BASYo .
  
  * * *
  
  Qanday qaysar odam !
  Baliq tutar qish yomgʻirida
  Qosh qoraygan chogʻ . . .
  
  
  Yosa BUSON .
  
  * * *
  
  Men shamolga qarshi yurayapman
  Soyabonim ortga tortadi
  Qishki yomgʻirlar vaqti . . .
  
  
  Sisey - DZYo .
  
  * * *
  
  Dexqon keng dalada
  Menga yoʻl koʻrsatdi
  Yulingan sholgʻom bilan . . .
  
  
  Kobayasi ISSA .
  
  * * *
  
  Tashlandiq hovuzda
  Bir poy qamish shippak
  Hoʻl qor yogʻmoqda . . .
  
  
  Yosa BUSON .
  
  * * *
  
  Tovuqlar katakda uxlashayotir
  Bu vaqt qor yana qalinroq
  Qoplayotir dalalar ustin.
  
  
  Kobayasi ISSA
  
  * * *
  
  Shamol qalpogʻini uchirib
  Savalaydi sellar beayov
  Qoʻriqchi dalada . . .
  
  
  XAGI - DZYo .
  
  * * *
  
  Oydin kecha -
  Naqadar ayanchli , naqadar baxtsiz
  Daladagi qoʻriqchi . . .
  
  
  Masaoka SIKI .
  
  * * *
  
  Daladagi qoʻriqchi
  Hatto Xizr boʻlib kelganida ham
  Boshdan olmas yevroqalpogʻin .
  
  
  DANSUY .
  
  * * *
  
  Hoy , hovlida yana ne shovqin ?
  Bu qoʻriqchi , kuchli shamolda
  Yerga qulab tushdi gursillab .
  
  
  BONTYo .
  
  * * *
  
  Gʻoz , yovvoyi gʻoz ,
  Ayt necha yil uchding sarosar
  Oʻrmonlar ortiga , dengiz ortiga ?. . .
  
  
  Kobayasi ISSA .
  
  * * *
  
  Yovvoyi gʻozlarning galasi ,
  Gʻogʻolab pastladi yaydoq dalaga .
  Kuchaymoqda tungi sovuqlar . . .
  
  
  KYoROKU .
  
  * * *
  
  Qizilishton taqillatmoqda -
  Kun botsa ham hamon tinmaydi
  Hamon oʻsha eski joyida . . .
  
  
  Kobayasi ISSA .
  
  * * *
  
  Oʻchoq boshidagi kovakda
  Kuylar tamom oʻzin unutib
  Tanish chirildoq . . .
  
  
  Matsuo BASYo .
  
  * * *
  
  Teshik soyabon -
  Qishlov uchun qoʻl keldi juda
  Koʻrshapalaklarga !. . .
  
  
  Yosa BUSON .
  
  * * *
  
  Sovuq tun
  Jigʻimga tegishchun qoʻshnilar atay
  Qozon taqirlatayotirmi ?
  
  Yosa BUSON .
  
  * * *
  
  Sichqon chiqib borar
  Koʻrpam yonidagi jinchiroq sari
  Yogʻ ham muzlabdi . . .
  
  Yosa BUSON .
  
  
  
  
  
  
 Ваша оценка:

РЕКЛАМА: популярное на Lit-Era.com  
  Т.Серганова "Когда землю укроет снег" (Приключенческое фэнтези) | | С.Фокси "Телохранитель по обстоятельствам" (Фэнтези) | | К.Марго "Женская солидарность, или Выжить несмотря ни на что" (Любовные романы) | | Н.Самсонова "Жена по жребию" (Любовное фэнтези) | | В.Свободина "Покорность не для меня" (Городское фэнтези) | | Зак "Великая Игра 2." (ЛитРПГ) | | Н.Кофф "Крохотное чудо " (Короткий любовный роман) | | М.Эльденберт "Поющая для дракона" (Любовная фантастика) | | Е.Флат "В прятки с судьбой" (Попаданцы в другие миры) | | И.Смирнова "Одуванчик в тёмном саду" (Попаданцы в другие миры) | |
Связаться с программистом сайта.
Новые книги авторов СИ, вышедшие из печати:
Е.Ершова "Неживая вода" С.Лысак "Дымы над Атлантикой" А.Сокол "На неведомых тропинках.Шаг в пустоту" А.Сычева "Час перед рассветом" А.Ирмата "Лорды гор.Огненная кровь" А.Лисина "Профессиональный некромант.Мэтр на учебе" В.Шихарева "Чертополох.Лесовичка" Д.Кузнецова "Песня Вуалей" И.Котова "Королевская кровь.Проклятый трон" В.Кучеренко, И.Ольховская "Бета-тестеры поневоле" Э.Бланк "Приманка для спуктума.Инструкция по выживанию на Зогге" А.Лис "Школа гейш"
Как попасть в этoт список
Сайт - "Художники" .. || .. Доска об'явлений "Книги"