|
скончылiся нарэшце
тыя тры доўгiя тыднi
памiж зiмою i летам
памiж зямлёю i небам
памiж мной i табою - дадаў бы
але нават iх не было мiж намi
тут не было цунамi
i руйнавання дамбаў
слязлiвая халадэча
бетанаванне пустэчы
падмуркам да новага шчасця
прывiднага
як i ранейшае
час павольна стаiць у чарзе
горад хаваецца ў стылай смузе
ты дзесьцi там
i не сустрэць выпадкова
цiшыня
мокры снег
i не iснуе словаў
апроч тых
што не дапамогуць
рухайся асцярожна
ў сваё ўтульнае заўтра
гэты дзень быў ад ранку марны
i слiзкая ў iм дарога
2021, лiстапад, 24, серада, 20:48
|