Kлепiкaý Iгар: другие произведения.

αβ-series

"Самиздат": [Регистрация] [Найти] [Рейтинги] [Обсуждения] [Новинки] [Обзоры] [Помощь|Техвопросы]
Ссылки:
Конкурсы романов на Author.Today
Творчество как воздух: VK, Telegram
 Ваша оценка:
  • Аннотация:
    Вершы (5), у якіх усе радкі пачынаюцца з адной літары (і нават больш таго)



-А-

Абдыму неабдымны прасцяг
Анямелымі пальцамі рук,
Азірнецца хтосьці на гук,
Але там - толькі чысты шлях.
А мяне ён не ўбачыць ніколі.
А мяне там няма - я на волі.
Акрываўлены след на вачах
Апранаецца ў пыл і брук,
Адбіваецца сэрца стук
Ад цагліны ў высокіх мурах...
А мяне там няма - я на волі.

1999, верасень, 12, нядзеля, 12:48


-Б-

Бура злосна неба крые 
Быццам коўдрай
Белым снегам
Бог глядзіць на гэта дзіва
Бавіць доўгі
Бляклы вечар
Беспрытульны вецер вые
Брытвай поўні
Будзіць глебу
Блішча воўк вачыма злымі
Белабокі
Быццам фельчар...

1999, верасень, 12, нядзеля, 13:42


-В-

Велічны гмах над шэраю плошчай
Ветру ў дарунак узнёс муры.
Вежы, з якіх далятае пошчак
Важкіх абцасаў яго вартавых,
Высі адной абяцалі даніну,
Верныя слову свайму назаўжды,
Вынеслі ў хмары магутныя спіны...
Высахлі ўнізе дамы і сады.
Вежы ж - стаяць, бы трава па вясне.
Вечнасць цяпер тут жыве...

1999, верасень, 12, нядзеля, 14:08


-Г-

Готыка велічных храмаў
Грукат абцасаў па бруку...
Гесэ гуляе без правіл
Графікай белага гуку.
Гэта, на жаль, небяспечна,
Гэта амаль незаконна -
Гранды і прымадонны
Голыя невылечна.
Гамбурга вузкія вулкі
Гётэ прыгадваюць рэхам.
Гегель з дзіравым мехам
Гаўкае ў бочцы гулкай.
Генрых-мяснік сумуе,
Герастрату зайздросціць,
Ганарліва галосіць,
Геніяльна шыкуе...
Галгофа цяпер на Усходзе.

1999, верасень, 13, панядзелак

...

-К-

КВАДРАЦІК

Крывіць кавалкі клыкоў кананічны карасік
Кідае печцы квецень буклетаў клінік
Кінуў паэта-капрызку крылаты Пегасік
Кратае зрухі фанемаў вясёлы цынік
Кнігі курочыць кувалдай курчавы класік...

1999, верасень, 27, панядзелак, 13:32



 Ваша оценка:

Связаться с программистом сайта.

Новые книги авторов СИ, вышедшие из печати:
Э.Бланк "Пленница чужого мира" О.Копылова "Невеста звездного принца" А.Позин "Меч Тамерлана.Крестьянский сын,дворянская дочь"

Как попасть в этoт список
Сайт - "Художники" .. || .. Доска об'явлений "Книги"