Нобэ хуэдэу махуэ дахэу
Уэ дунейм укъытехьащ
Ар блэзгъэкlыу, хъуэхъу бжезмыlэу
Домыгъафам, тхьэр бгьэпцlащ
Ауэ сэ зыгуэр къызжьдэхум
Ныбжьэгъужь, къысхуэбгъэгъун
Псалъэ lей уэ пхуэмыфаща
Схузэфlэкlэкlэ бжезмыlэн
Адыгэжьхэм я псалъэжьыу
Хепи бездей уэ усщlынщ
Си шхьэм фlыуэ хуэзгьэфащэр
Ноба уэ къыплъызгъэсынщ
Псом нэхъапэу узыншагъэ
Аллыхь Талэм делъэlунш
Узу уиlэр пкlэрыхуну
Мышэм и къэрур къуитыну
Щыхьым хуэдэу жэр ухъуну
Узыншагъэм хэщl уимыlэу
Илъэсишэ упсоуну
Уи жагъуэгьухэр уэм ихьыну
Къыпхуэпсалъэм бзэр бэгыну
 lейуэ къоплъым нэпlырашэу
И нэр захуэ мыхъужыну
Уи бзэр дахэу, умыхъуанэу
Щихум хуэдэу кlыхь ухъуыну
Къарыуфlэу, щхьэц къамылыфэу
Хъыджэбз дахэ делэ пщlыфу
Уи былымыр бэв пхуэхъуну
Уи фызыжыр уэндэгъу хъуну
Уи лъыр фызым иримыфу
Уи фэр сэншэу тыримыхъу
Пцlашхъуэм хуэдэу къобзэрабзэу
Жьы зэгъусэу фызэдэхъуну
lей къыздэкlуэм-фызэблэкlыну
Фlыздэщыlэм-гъуэгу пхуэхъуну
Дэмэдазу бжэ lухамкlэ
lэй Уи унэ къымыхьэну
lэфlу пшхар къуамыгъэжьыжу
Узэфар-къыбжьэмыжыжу
Угьутхьам, жьым къигъэзэжу
Уэ Уи дейкlэ къимыхьыжу
Лейуэ тlэкlу зыгуэр бжесlами
Тlэкlу уижагъуэ мвщlэу сщlами
Си къуэшыжь къысхуэбгъэгъун
Дунейм дахэу утетыну
Аллых Талэм селъэун
Дэнэ бгъэзэми-гъуэгъу махуэ
Дэнэ укlуэми-гъуэгъу захуэу
Уицар фlыкlэ къыраlуэну
Уи мурадыр къохъулlэну
Уи унагъуэм берычэтыр
Щlэмыкlыжу къыпхуинэну
Нэщхъеягъуэ умыцlыху
Гузэвэгъуэ утемыплъэу
Уи lэнатlэр тынш пхуэхъуну
Уи lэщlагъэм хъейр иlэну
Гъэшlэр гъатхэм хуэдэу дахэу
Дыгъэпс махуэу епхъэкlыну

Хъуэхъу бжесlам зы хьэрф хумыдзу
Псори къуэш уэ къыплъысыну!!!