Упрэ лыл э панна камья тэ совэл,
пэ уроки сыз лакэ нашты тэ пхурдэл.
На камэлас э панна раныпэ насаво:
упрастандыя пал урдо романо,
пиранги пэ дрома тай дыкхло пэ шэро -
чхурдыя чяло джиипэ райкано.

Дадэскрэ родэнас коли мануша,
кхарэнас э панна коли дро вэша -
чхорэлас ёй дро гава каг'норья,
кхэлэлас дро блата палэ хытя;
о ром о корали лакэ киндя.
Ла на латхэньти -
кокори
хасия!