На Господа уповах, како речете души моей: превитай по горам, яко птица? Яко се, грешницы налякоша лук, уготоваша стрелы в туле, состреляти во мраце правыя сердцем. Зане яже Ты совершил eси, oни разрушиша, праведник же что сотвори? Господь, на Небеси Престол Его, oчи Его на нищаго призираете, вежди Его испытаете сыны человечeския. Господь испытает праведнаго и нечестиваго, любяй же неправду ненавидит свою душу. Одождит на грешники сети, oгнь и жупел, и дух бурен часть чаши их. Яко праведен Господь, и правды возлюби, правоты виде лице Его.